ମୟୁରଭଞ୍ଜ: କୁଳିଅଣା ଡିଭିଜନ ଟାଟା ପାୱାର ବିଦ୍ୟୁତ୍ ଅଧିକାରୀଙ୍କ ଉପରେ ହୋଇଛି ଆକ୍ରମଣ। ବିଦ୍ୟୁତ୍ ଯାଞ୍ଚ କରିବାକୁ ବାଙ୍ଗିରିପୋଷି ଥାନା ଅନ୍ତର୍ଗତ ଗୋଲା ମୁଣ୍ଢାକଟା ଗ୍ରାମକୁ ଯାଇଥିବା ବେଳେ ଗ୍ରାମବାସୀଙ୍କ ଆକ୍ରୋଶର ଶୀକାର ହୋଇଥିଲେ ବିଦ୍ୟୁତ୍ ବିଭାଗୀୟ ଅଧିକାରୀ। ତାଙ୍କୁ ଗୁରୁତର ଅବସ୍ଥାରେ ବାରିପଦା ପି.ଆର.ଏମ ମେଡିକାଲରେ ଭର୍ତ୍ତି କରାଯାଇଛି। ବିଦ୍ୟୁତ୍ ଗାଡ଼ି ସହ ଚାରି ଅଧିକାରୀଙ୍କୁ ତିନି ଘଣ୍ଟାରୁ ଅଧିକ ସମୟ ଧରି ଅଟକ ରଖିଲେ ଗ୍ରାମବାସୀ। ଘଟଣା ଅନୁଯାୟୀ ଘର ପାଖ ବିଲ ମଝିରେ ବିଦ୍ୟୁତ୍ ହିତାଧୀକାରୀ ମହିଳା ଜଣଙ୍କୁ ଟାଟା ପାୱାର ଅଧିକାରୀ ଗୋଡାଉଥିବାର ଦେଖି ଗ୍ରାମବାସୀ ମାନେ ମହିଳାଙ୍କୁ ସୁରକ୍ଷା ଦେବାକୁ ଯାଇ ବିଦ୍ୟୁତ୍ ଅଧିକାରୀଙ୍କ ଉପରକୁ ଆକ୍ରମଣ କରିଥିଲେ। ଘଟଣା ସ୍ଥଳରେ ବାଙ୍ଗିରିପୋଷି ଥାନା, ଝାରପୋଖରିଆ ଓ କୁଳିଅଣା ଥାନା ଅଧିକାରୀ ଉପସ୍ଥିତ ରହି ଉତେଜିତ ଲୋକଙ୍କୁ ବୁଝାସୁଝା କରିବା ପରେ ଗାଡିକୁ ଛାଡିଥିଲେ।