ଭୁବନେଶ୍ୱର: ଟାଟା ମ୍ୟାଜିକକୁ ପିଟିଲା ଓ ପାଖାପାଖି ତିରିଶ ଫୁଟ ଘୋଷାଡ଼ି ନେଲା କାର। ପରେ ରାସ୍ତା କଡରେ ଠିଆ ହୋଇଥିବା ବୃଦ୍ଧଙ୍କ ଉପରେ ମାଡିଯାଇଥିଲା ଏହି କାର। ଏଭଳି ଦୁର୍ଘଟଣା ଘଟିଛି ଗୋପ ଥାନା ଅନ୍ତର୍ଗତ କୁସୁପୁର ବଜାରରେ। ବୃଦ୍ଧଙ୍କୁ ସଂଗେ ସଂଗେ ଡାକ୍ତରଖାନାରେ ଭର୍ତି କରାଯାଇଥିଲା। ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି। 

ସୂଚନାନୁଯାୟୀ କୋଣାର୍କ ଅଭିମୁଖେ ଭୁବନେଶ୍ୱରରୁ ଯାଉଥିବା ଏକ କାର କୁସୁପୁର ବଜାର ରାସ୍ତା ନିକଟରେ ଠିଆ ହୋଇଥିବା ଏକ ଟାଟା ମ୍ୟାଜିକକୁ ଧକ୍କା ଦେଇଥିଲା। ଧକ୍କା ପରେ ପାଖାପାଖି ପ୍ରାୟ ତିରିଶ ଫୁଟ ଦୂର ପର୍ଯ୍ୟନ୍ତ ଘୋଷାଡ଼ି ନେଇ ଏକ ଦୋକାନ ଉପରେ ଚଢିଯାଇଥିଲା। ଯାହା ଫଳରେ ରାସ୍ତାକଡ଼ରେ ଠିଆ ହୋଇଥିବା ଜଣେ ବୃଦ୍ଧଙ୍କ ଉପରେ କାର ଚଢ଼ିଯାଇଥିଲା। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଗୋପ ଚିକିତ୍ସାଳୟ ଓ ପରେ ଭୁବନେଶ୍ୱର ସ୍ଥାନାନ୍ତର କରାଯାଇଛି। ପୋଲିସ କର୍ତ୍ତୃପକ୍ଷ ଘଟଣାସ୍ଥଳରେ ପହଂଚି ପ୍ରାରମ୍ଭିକ ତଦନ୍ତ ଆରମ୍ଭ କରିଛନ୍ତି।