କଟକ: କଟକ ତ୍ରିଶୁଳିଆ ସୁବାଷ ସେତୁ ଉପରେ ଗୁରୁବାର ମର୍ମନ୍ତୁଦ ଦୁର୍ଘଟଣା ଘଟିଛି। ଅଜଣା ଗାଡ଼ି ଧକ୍କାରେ ଦୁର୍ଘଟଣାରେ ଅଲିଶା ବଜାରର ବାପା,ପୁଅଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକ ହେଲେ ଜୟକୃଷ୍ଣ ଦାସ ଓ ତାଙ୍କ ପୁଅ ଦିଲ୍ଲୀପ ଦାସ। 

ସୂଚନା ଅନୁଯାୟୀ, ସୁବାଷ ସେତୁ ଦେଇ ବାପା,ପୁଅ କଟକରୁ ଭୁବନେଶ୍ୱର ଅଭିମୁଖେ ଯାଉଥିଵା ବେଳେ କୌଣସି ଅଜଣା ଗାଡି ତାଙ୍କ ସ୍କୁଟିକୁ ପଛପଟୁ ଧକ୍କା ଦେଇ ଚାଲିଯାଇଥିଲା।  ଦୁର୍ଘଟଣାରେ ଉଭୟ ଗୁରୁତର ଆହତ ହୋଇଥିଲେ।  ସ୍ଥାନୀୟ ଲୋକେ ଗୁରୁତର ଅନସ୍ଥାରେ ଆହତ ଵାପା, ପୁଅଙ୍କୁ ଏସ୍ ସି ଵି ମେଡିକାଲରେ ଭର୍ତ୍ତିକରିଥିଲେ। ସେଠାରେ ଡାକ୍ତରଖାନାରେ ଉଭୟଙ୍କୁ ମୃତ ଘୋଷଣା କରିଛନ୍ତି। ଦୁର୍ଘଟଣା ପରେ ବ୍ରିଜ ଉପରେ ଯାନବାହାନ ଚଳାଚଳ ପ୍ରଭାବିତ ହୋଇଛି।