ଛତିଶଗଡରେ ଘଟିଥିବା ମାଓବାଦି ଆକ୍ରମଣର ମାଷ୍ଟରମାଇଣ୍ଡ ହିଡିମା କିଏ
Khabar Odisha:who-is-hidima-the-mastermind-of-the-maoist-attack-in-chhatisgad

ରାୟପୁର,୫ଏପ୍ରିଲ(ଖବର ଓଡିଶା); ଗତ କାଲି ଛତିଶଗଡର ବିଜାପୁର-ସୁକୁମା ବର୍ଡର ଅଞ୍ଚଳ ରେ ୨୦୦୦ ସୁରକ୍ଷା କର୍ମିଙ୍କୁ ୪୦୦ ମାଓବାଦୀଙ୍କ ଅତର୍କିତ ଆକ୍ରମଣରେ ୨୨ ରୁ ଉର୍ଦ୍ଧ ଜବାନଙ୍କ ମୃତ୍ୟୁ ହୋଇଥିଲା ବେଳେ ୩୨ ଜଣ ଆହତ ହୋଇଛନ୍ତି । ତେବେ ଏଭଳି ଅମାନୁଷିକ ସଂହାର କରାଇବାରେ ପିପୁଲ୍ସ ଲିବରେଶନ ଗେରିଲା ଆର୍ମି (ପିଏଲଜିଏ) ନେତା ହିଡିମାର ମୁଖ୍ୟ ଭୁମିକା ଥିବା କୁହାଯାଉଛି । 

ହିଡିମା ସୁକୁମା ଜିଲ୍ଲା ପୁବର୍ତି ଗ୍ରମର ବାସିନ୍ଦା , ସେ ୧୯୯୦ ଦଶକରେ ମାଓ ସଂଗଠନରେ ସାମିଲ ହୋଇଥିଲେ । ପିଏଲ୍‌ଜିଏ ନମ୍ବର ୧ର ନେତୃତ ନେଉଥିବା ହିଡ୍‌ମାଙ୍କ ସହ ୧୮୦ ରୁ ୨୫୦ ମାଓବାଦି ରହିଛନ୍ତି । ସେମାନଙ୍କ ମଧ୍ୟରେ କେତେଜଣ ମହିଳା ମଧୟ ରହିଛନ୍ତି । ମୋଷ୍ଟ ୱାଣ୍ଟେଡ ହିଡ୍‌ମା ମାଓବାଦି ସ୍ପେଶାଲ ଜୋନାଲ କମିଟି (ଡିକେଏସ୍‌ଜେଡ୍‌)ର ଜଣେ ସଦସ୍ୟ । ସୁପ୍ରମି ୨୧ ସଦସ୍ୟ ବିଶିଷ୍ଟ ସେଣ୍ଟ୍ରାଲ କମିଟିର ଏହି ସର୍ବ କନିଷ୍ଠ ସଦସ୍ୟକୁ ଧରାଇଦେଲେ ୪୦ ଲକ୍ଷ ଟଙ୍କାର ପୁରସ୍କାର ଦିଆଯିବ ବୋଲି ସରକାରଙ୍କ ପକ୍ଷରୁ ପୁର୍ବରୁ ଘୋଷଣା କରାଯାଇଛି । 

ତେବେ ପୁର୍ବରୁ ଜାତୀୟ ତଦନ୍ତକାରି ସଂସ୍ଥା (ଏନ୍‌ଆଇଏ) ମଣ୍ଡାଭି ହତ୍ୟା ମାମଲାରେ ଚାର୍ଜସିଟ୍ ଦାଖଲ କରିଛି । ସେ ବିଜାପୁର ଓ ସୁକୁମା ମଧ୍ୟବର୍ତ୍ତୀ ଜଙ୍ଗଲରେ ଲୁଚିଥିବା ଗୋଇନ୍ଦା ବିଭାଗ ସୂଚନା ମିଳିଛି ।

ତେବେ ତାଙ୍କର କୌଣଷି ସଦ୍ୟତମ ଫଟୋ ସାମ୍ନାକୁ ଆସିନାହିଁ । ଶନିବାର ହୋଇଥିବା ଆକ୍ରମଣର ନେତୃତ ହିଡିମା ନେଇଥିବା ସଂନ୍ଦେହ କରାଯାଉଛି ।

  • Tags:

Subscribe

National International State Sports Entertainment