ଯାଜପୁର: ଯାଜପୁର ପୋଲିସକୁ ଆଜି ଏକ ବଡ଼ ସଫଳତା ମିଳିଛି । ଜିଲ୍ଲାରେ ଆତଙ୍କ ଖେଳାଇଥିବା ୬ ଜଣ ଆନ୍ତଃ ଜିଲ୍ଲା ଲୁଟେରାଙ୍କୁ ଧରିବାରେ ସଫଳ ହୋଇଛି ପୋଲିସ । ଗିରଫ ଅଭିଯୁକ୍ତମାନେ ଭଦ୍ରକ ଭଣ୍ଡାରୀ ପୋଖରୀ, ଚାନ୍ଦବାଲି, ଧାମନଗର ଓ ଯାଜପୁର ହୀରାପୁର ଅଞ୍ଚଳର ବୋଲି ଯାଜପୁର ଏସଡିପିଓ ସତ୍ୟବ୍ରତ ଲେଙ୍କା ସୂଚନା ଦେଇଛନ୍ତି । 

ଯାଜପୁରର ବିଭିନ୍ନ ସ୍ଥାନରୁ ଘନ ଘନ ଲୁଟ ହେଉଥିବା ନେଇ ବାରମ୍ବାର ଅଭିଯୋଗ ହେଉଥିଲା । ଯାଜପୁର ଏସପି ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ । ଯାଜପୁର ଥାନା ଅଧିକାରୀ ଶରତ ଚନ୍ଦ୍ର ପାତ୍ରଙ୍କ ନେତୃତ୍ୱରେ ଏକ ଟିମ୍ ଚଢାଉ କରି ଏହି ଲୁଟେରାଙ୍କୁ ଧରିବାରେ ସଫଳ ହୋଇଛି । ତେବେ ଲୁଟେରାଙ୍କ ପାଖରୁ ନଗଦ ୪ ଲକ୍ଷ ଟଙ୍କା ଜବତ କରାଯାଇଛି । ଚୋରି କରିଥିବା ସୁନାକୁ ବିକି ଏହି ଟଙ୍କା ରଖିଥିବା ଜଣା ପଡ଼ିଛି । ଗିରଫ ପରେ ସମସଙ୍କୁ କୋର୍ଟ ଚାଲାଣ କରାଯାଇଛି ବୋଲି ଯାଜପୁର ଏସଡିପିଓ ସୂଚନା ଦେଇଛନ୍ତି ।