ବ୍ରହ୍ମପୁର: ବ୍ରହ୍ମପୁର ରେଡ୍ଡି ଛକ ନିକଟରେ ଥିବା ଅନ୍ନପୂର୍ଣ୍ଣା ଗାଡ଼ି ଶୋ ରୁମ ଭୟାବହ ଅଗ୍ନିକାଣ୍ଡ ଘଟିଛି । ନିଆଁ ଲାଗି ଶୋ ରମର ଅନେକ ବିଦ୍ୟୁତ ଚାଳିତ ଗାଡ଼ି ପୋଡ଼ି ଯାଇଥିବା ନେଇ ସୂଚନା ମିଳିଛି । ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଛି । 

ମିଳିଥିବା ପ୍ରାଥମିକ ସୂଚନା ମୁତାବକ, ଶୁକ୍ରବାର ସକାଳୁ ଅନ୍ନପୂର୍ଣ୍ଣା ମୋଟର୍ସ ଗାଡ଼ି ଶୋ ରୁମ ରେ ନିଆଁ ଲାଗିଥିଲା । ଦୋକାନର ଉଭୟ ତଳ ଓ ଉପର ମହଲାରେ ନିଆଁ ଲାଗିଥିବା ଦେଖିବାକୁ ମିଳିଥିଲା । ସ୍ଥାନୀୟ ଲୋକଙ୍କଠାରୁ ଖବର ପାଇ ଦୋକାନର ମାଲିକ ତୁରନ୍ତ ସେଠାରେ ପହଁଚିଥିଲେ । ସେ ଅଗ୍ନିଶମ ବାହିନୀକୁ ଖବର ଦେବା ସହ ତଳ ମହଲାକୁ କିଛି ଗାଡ଼ିକୁ ବାହାରକୁ ଆଣିବାକୁ ଚେଷ୍ଟା କରିଥିଲେ ।  ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ମାତ୍ର ସେତେବେଳକୁ ଉପର ମହଲାରେ ଥିବା ଗାଡ଼ିଗୁଡ଼ିକ ସମ୍ପୂର୍ଣ୍ଣ ପୋଡ଼ି ଯାଇଥିବା ଜଣାପଡ଼ିଛି । ବିଦ୍ୟୁତ ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି ।