ସୁନ୍ଦରଗଡ଼: କରମା ପୂଜା ଚାଲିଥିବାବେଳେ ଯୁବତୀଙ୍କ ସହ ହୋଇଛି ଗଣ ଦୁଷ୍କର୍ମ । ସୁନ୍ଦରଗଡ଼ ଜିଲ୍ଲା କୁତ୍ରା ଥାନା ଅଞ୍ଚଳରେ ଏହି ଲଜ୍ଜା ଜନକ ଘଟଣା ଘଟିଛି । ୩ ଜଣଙ୍କ ମଧ୍ୟରୁ ୨ ଜଣ ନାବାଳକ ଥିବା ଜଣା ପଡ଼ିଛି । ସେମାନଙ୍କ ଘର ବୀରମିତ୍ରପୁର ଥାନା ରାଇବଗା ଅଞ୍ଚଳରେ ବୋଲି ଜଣାଯାଇଛି । 

ମିଳିଥିବା ପ୍ରାଥମିକ ସୂଚନା ମୁତାବକ, ଗତ୧୬ ତାରିଖ ରାତିରେ ଯୁବତୀ ଜଣଙ୍କ ରାଜଗାଙ୍ଗପୁରକୁ କରମା ପୂଜା ଦେଖିବାକୁ ଆସିଥିଲେ । ଏହି ସମୟରେ ଯୁବତୀଙ୍କ  ସହିତ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଯୁବତୀ ଜଣଙ୍କ ଏ ନେଇ ତାଙ୍କ ପରିବାର ଲୋକଙ୍କୁ ଜଣାଇଥିଲେ । ୧୭ ତାରିଖରେ ପରିବାର ଲୋକେ କୁତ୍ରା ଥାନାରେ ଲିଖିତ ଅଭିଯୋଗ କରିଛନ୍ତି ।  

ଯୁବତୀଙ୍କ ଅଭିଯୋଗ ମୁତାବକ ଏହି ମାମଲାରେ ୩ ଜଣ ସାମିଲ ଥିଲେ । ଆଉ ସେଥିରେ ଦୁଇ ଜଣ ନାବାଳକ ମଧ୍ୟ ଥିଲେ ବୋଲି କହିଛନ୍ତି । ତେବେ ପୁଲିସ ଘଟଣାକୁ ଗୁରୁତର ସହିତ ନେଇ ଅଭିଯୁକ୍ତଙ୍କୁ ଧରିବାକୁ ତଦନ୍ତ ଆରମ୍ଭ କରିଛି ।