ମଞ୍ଚା ଉପରେ ଶୋଇଥିବା ବେଳେ ଯୁବକଙ୍କୁ ନିର୍ମମ ହତ୍ୟା। କେହି ଦୁର୍ବୃତ୍ତ ଧାରୁଆ ଅସ୍ତ୍ରରେ ଯୁବକଙ୍କୁ ହତ୍ୟା କରିବା ପରେ ଘଟଣା ସ୍ଥଳରୁ ଫେରାର ହୋଇଯାଇଥିଲା। ଏଭଳି ଅଭାବନୀୟ ଘଟଣା ଘଟିଛି ଅନୁଗୁଳ ଜିଲ୍ଲା ପୁରୁଣାକୋଟ ଥାନା ଓଲାବିର ଗ୍ରାମରେ।ଗତକାଲି ଯୁବକ ଜଣଙ୍କ ବନ୍ୟଜନ୍ତୁଙ୍କ କବଳରୁ ନିଜ ଫସଲକୁ ରକ୍ଷା କରିବା ପାଇଁ ଚାଷ ଜମି ନିକଟରେ ମଞ୍ଚା କରି ରାତିରେ ଶୋଇଥିଲେ ଏହି ସମୟରେ କେହି ଦୁର୍ବୁତ୍ତ ତାଙ୍କୁ ହତ୍ୟା କରିଛନ୍ତି। ଏପର୍ଯ୍ୟନ୍ତ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି।  ପୋଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି ।

ସୂଚନା ଅନୁସାରେ,  ଅନୁଗୁଳ ଜିଲ୍ଲା ପୁରୁଣାକୋଟ ଥାନା ଓଲାବିର ଗ୍ରାମରେ ଅଘଟଣ। ମଞ୍ଚା ଉପରେ ଶୋଇଥିବା ବେଳେ ଯୁବକଙ୍କୁ ନିର୍ମମ ହତ୍ୟା। ଗତକାଲି ଯୁବକ ଜଣଙ୍କ ବନ୍ୟଜନ୍ତୁଙ୍କ କବଳରୁ ନିଜ ଫସଲକୁ ରକ୍ଷା କରିବା ପାଇଁ ଚାଷ ଜମି ନିକଟରେ ମଞ୍ଚା କରି ରାତିରେ ଶୋଇଥିଲେ ଏହି ସମୟରେ କେହି ଦୁର୍ବୁତ୍ତ ତାଙ୍କୁ ହତ୍ୟା କରିଛି। ମୃତ ଯୁବକ ଜଣଙ୍କ ଓଲାବିର ଗ୍ରାମ ବିଶ୍ୱନାଥ ବର୍ଗିଆ ବୋଲି ଜଣାପଡିଛି। ବିଳମ୍ବିତ ରାତିରେ ବିଶ୍ୱନାଥଙ୍କ ଶୋଇଥିବା ବେଳେ ତାଙ୍କ ବେକକୁ କେହି ଜଣେ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା। ବିଶ୍ୱନାଥଙ୍କ ଚିତ୍କାର ଶୁଣି ଘରଲୋକ ତାଙ୍କ ନିକଟକୁ ଆସିବା ବେଳକୁ ହତ୍ୟାକାରୀ ଘଟଣାସ୍ଥଳରୁ ଫେରାର ହୋଇଯାଇଥିଲେ। ସକାଳୁ ସକାଳୁ ହତ୍ୟାକାଣ୍ଡ ନେଇ ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା। ପୋଲିସ ମୃତଦେହ ଜବତ କରିବା ସହ ଘଟଣାର ଅଧିକ ତଦନ୍ତ କରୁଛି। 

ଅଧିକ ପଢନ୍ତୁ ; ସଂସ୍କାର ହେବ ୨୮ଟି ଅଚିହ୍ନା ମୃତଦେହ