ଝାରସୁଗୁଡ଼ା: କୁକୁଡ଼ା ବ୍ୟବସାୟକୁ ନେଇ ତିକ୍ତତା ଯୋଗୁଁ ଭାଇ ନେଲା ଭାଇର ଜୀବନ। ବେହେରାପାଟ ନିକଟରେ ମଙ୍ଗଳବାର ରାତିରେ ଏକ ଗୁଳିକାଣ୍ଡ ଘଟିଥିଲା। ଏହି ଘଟଣାରେ ପୋଲିସ ଚାରି ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। କୁକୁଡ଼ା ବ୍ୟବସାୟକୁ ନେଇ ଭାଇ ଭାଇ ମଧ୍ୟରେ ଶତ୍ରୁତା ଦେଖାଦେଇଥିଲା। ଏହାକୁ ନେଇ ସମ୍ପର୍କୀୟ ଭାଇଙ୍କୁ ହତ୍ୟା କରିଥିବା ନେଇ ଝାରସୁଗୁଡ଼ା ଏସ.ପି ଆଜି ସାମ୍ୱାଦିକ ସମ୍ମିଳନୀ କରି ସୂଚନା ଦେଇଛନ୍ତି। 

ସୂଚନାଯୋଗ୍ୟ ଅଭିଯୁକ୍ତ ମାନେ ପ୍ରଥମେ ହତ୍ୟା କରିବା ପରେ ଏକ କାରରେ ଶବକୁ ନେଇ ଝାରସୁଗୁଡ଼ା ଓ ସମ୍ୱଲପୁର ଜିଲ୍ଲା ମଝିରେ ଥିବା ରମ୍ପେଲା ବ୍ରିଜରୁ ଶବକୁ ଫୋପାଡି ଦେଇଥିଲେ। ପରେ ପୋଲିସ ଘଟଣା ସମ୍ପର୍କରେ ଜାଣିବା ପରେ ଚାରି ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି। ଅଭିଯୁକ୍ତ ମାନେ ମଙ୍ଗଳ ବଜାରର ଇମ୍ରାନ ଖାଁ, ୱାଶିମ୍ ଅକ୍ରମ୍,ଆଯାଜ୍ ଖାଁ ଓ ସହବାଜ ଖାଁ। ଅଭିଯୁକ୍ତ ମାନଙ୍କ ଠାରୁ ପୋଲିସ ୧୮ ଟି ଗୁଳି ୨ ଟି ବନ୍ଧୁକ,ହତ୍ୟାରେ ବ୍ୟବହାର ହୋଇଥିବା କାର ଏବଂ ଗୋଟିଏ ସ୍କୁଟି ସହିତ ଅଭିଯୁକ୍ତ ପିନ୍ଧିଥିବା ରକ୍ତ ଲଗା କପଡ଼ା ଜବତ କରିଛି।