ନିଶାସକ୍ତ ପୁଅର ଉନ୍ମତ୍ତ କାଣ୍ଡ । ମଦନିଶାରେ ଭୁଲିଲା ହିତାହିତ ଜ୍ଞାନ । ଶେଷରେ ଚାଲିଗଲା ମାଆର ଜୀବନ ଏବେ ମେଡିକାଲରେ ମୃତ୍ୟୁ ସହ ଲଢ଼ୁଛନ୍ତି ବାପା । ବୁଧବାର ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଭାନପୁର ପଞ୍ଚାୟତ ଅନ୍ତର୍ଗତ ଝାଙ୍କରପାଲି ଗ୍ରାମରେ ଅଭାବନୀୟ ଘଟଣା ଘଟିଛି ।ସୂଚନା ଅନୁଯାୟୀ ଝାଙ୍କରପାଲି ଗ୍ରାମର କ୍ଷେତ୍ର ବରିହା ବୁଧବାର ରାତିରେ ମଦ ପିଇ ଘରକୁ ଆସି ବାପା କୈଫୁଲ ବରିହାଙ୍କ ସଙ୍ଗେ କୌଣସି ବିଷୟକୁ ନେଇ ବଚସା ଆରମ୍ଭ ହୋଇଥିଲା । ବଚସା ଏତେ ବଢିଯାଇଥିଲା ପୁଅ ବାପାକୁ ମାଡ ମାରିବା ସମୟରେ ମା ଜୟକୁମାରୀ ଦୁଇ ଜଣଙ୍କୁ ଛଡ଼ାଇବା ପାଇଁ ଚେଷ୍ଟା କରିଥିଲେ କିନ୍ତୁ ପୁଅ କ୍ଷେତ୍ର ମାଆଙ୍କୁ ଏତେ ଜୋରରେ ଧକ୍କା ଦେଇଥିଲା ସେ କଚାଡି ହୋଇ ତଳେ ପଡ଼ି ଯାଇଥିଲେ । ଉଭୟ ବାପା ଏବଂ ମା ଗୁରୁତର ଅବସ୍ଥାରେ ପଡିଥିବା ବେଳେ ଏସବୁ ଦେଖି କେହି ଜଣେ ଆମ୍ବୁଲାନ୍ସ କୁ ଫୋନ କରି ଡାକିଥିଲେ । 

ଗୁରୁତର ଅବସ୍ଥାରେ ମା ଏବଂ ବାପାଙ୍କୁ ପ୍ରଥମେ ପାଟଣାଗଡ଼ ଡାକ୍ତର ଖାନା ପରେ ବଲାଙ୍ଗୀରକୁ ସ୍ଥାନାନ୍ତର କରାଯାଇଥିଲା । ବଲାଙ୍ଗୀରରେ ମାଜୟକୁମାରୀଙ୍କ ସ୍ୱାସ୍ଥ୍ୟ ଆହୁରି ଗୁରୁତର ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଥିଲା କିନ୍ତୁ ବୁର୍ଲାରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଥିବା ବେଳେ ବାପା କୈଫୁଲ ବଲାଙ୍ଗୀର ଭୀମଭୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଘଟଣା ବିଷୟରେ ଖବର ପାଇ ଖପ୍ରାଖୋଲ ପୋଲିସ ଶବକୁ ଜବତ କରିଥିବାବେଳେ ଘଟଣାର ତଦନ୍ତ ଚlଲିଥିବା ଥାନାଧିକାରୀ ନରେନ୍ଦ୍ର ଛତ୍ର ପ୍ରକାଶ କରିଛନ୍ତି । ଏନେଇ ଥାନାରେ କେସ ନଂ ୧୭୪/୨୦୨୪ ରେ ଏକ ମାମଲା ରୁଜୁ  ହୋଇଥିବା ଜଣାପଡିଛି ।