ସଟଡାଉନ ସମୟରେ କଟକ କେଶରପୁର ଅଞ୍ଚଳରେ ଉତ୍ତେଜନା, ପୋଲିସ ଉପରକୁ ଢେଲାପଥର ମାଡ
Khabar Odisha:Locals-who-reportedly-violated-shutdown-guidelines-pelt-stones-at-police-at-Kesharpur-in-Cuttack
କଟକ, ଏପ୍ରିଲ ୦୫ (ଖବର ଓଡ଼ିଶା):

କଟକ ସହରରେ ୪୮ ଘଣ୍ଟିଆ ସଟ୍‌ ଡାଉନ୍ ପାଳନ ବେଳେ କେଶରପୁର ଅଞ୍ଚଳରେ ଉତ୍ତେଜନା। ଘଟଣାସ୍ଥଳକୁ ଯାଇଥିବା ପୋଲିସ୍ ଉପରକୁ ମଧ୍ୟ ଢେଲାପଥର ମାଡ଼ ହୋଇଥିବାର ନେଇ ଖବର ମିଳିଛି। ଏହି ଘଟଣାରେ ପୋଲିସ୍ ୧୫ରୁ ଅଧିକ ଲୋକଙ୍କୁ ଅଟକ ରଖିଥିବାର ଖବର ମିଳିଛି।

ମିଳିଥିବା ସୂଚନା ଅନୁଯାୟୀ, ଆଜି କଟକର କେଶରପୁର ଅଞ୍ଚଳରେ ସଟ୍‌ ଡାଉନ୍‌ କଟକଣା ଭାଙ୍ଗିଥିବା କିଛି ଲୋକ ପୋଲିସ୍ ଉପରକୁ ଢେଲାପଥର ମାଡ଼ କରିଥିଲେ । ଢେଲାପଥର ମାଡ଼ ପରେ ପୋଲିସ୍ ସ୍ଥିତିକୁ ନିୟନ୍ତ୍ରଣ କରିବାକୁ ଲାଠିଚାର୍ଜ କରିଥିଲା। ଏମାନଙ୍କ ଭିତରୁ ୧୫ରୁ ଅଧିକ ଆକ୍ରମଣକାରୀଙ୍କୁ ପୋଲିସ୍ ଧରି ଅଟକ ରଖିଥିବା ସୂଚନା ମିଳିଛି। ଖବର ପାଇ କଟକ ଡିସିପି ଅଖିଳେଶ୍ବର ସିଂ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ।  ସେ ଲୋକଙ୍କୁ ଶାନ୍ତି ବଜାୟ ରଖିବାକୁ ନିବେଦନ କରିଛନ୍ତି। ପରିସ୍ଥିତିକୁ ନିୟନ୍ତ୍ରଣରେ ରଖିବାକୁ ଦୁଇ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି।

  • Tags:

Subscribe

National International State Sports Entertainment