ଇଟା ଭାଟିରୁ ଶିଶୁ ପୁତ୍ର ନିଖୋଜ। ବାଲେଶ୍ୱର ଜିଲ୍ଲା ସୋରୋ ନିକଟରେ ଥିବା ଚମ୍ପୁ ଛକର ଏକ ଇଟା ଭାଟିରୁ ଦୁଇ ମାସର ଶିଶୁ ପୁଅ ହଠାତ୍ ନିଖୋଜ ହୋଇଯାଇଛି। ଗତକାଲି (ବୁଧବାର) ଘଟିଛି ଏହି ଘଟଣା। ଜଣେ ମା’ କାମ କରୁଥିବା ସମୟରେ ନିଜ ଶିଶୁକୁ ଗୋଟିଏ କପଡା ଝୁଲାରେ ରଖି ଯାଇଥିଲେ। କିଛି ସମୟ ପରେ ସେ ଫେରିଆସିବା ସମୟରେ ଝୁଲାଟି ଖାଲି ଦେଖିଥିଲେ ଏବଂ ଶିଶୁଟି ନଥିବାରୁ ସେ ଭୟଭୀତ ହୋଇପଡ଼ିଥିଲେ।

ତୁରନ୍ତ ସେ ଚାରିପାଖରେ ଖୋଜାଖୋଜି କରିଥିଲେ, କିନ୍ତୁ ଶିଶୁଟି ମିଳିନଥିଲା। ପରେ ଭାଟି ମାଲିକଙ୍କୁ ଏନେଇ ସୂଚନା ଦେବା ପରେ ସୋରୋ ଥାନାରେ ଅଭିଯୋଗ କରିଥିଲେ। ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ପ୍ରାରମ୍ଭିକ ତଦନ୍ତରୁ ସନ୍ଦେହ କରାଯାଉଛି ଯେ, ଭାଟିର ପଛପଟେ ବାଉଣ୍ଡାରୀ (ଦେଉଳି) ନଥିବାରୁ କେହି ସେହି ଦିଗରୁ ପ୍ରବେଶ କରି ଶିଶୁଟିକୁ ଅପହରଣ କରିଥାଇପାରେ। ପୋଲିସ ପାଖପାଖି ଅଞ୍ଚଳରେ ତଲାସି ଜାରି ରଖିଥିବା ବେଳେ ଭାଟିର କରଗରମାନଙ୍କୁ ପଚରାଉଚରା କରୁଛି।