କେବେ ଥମିବ ଧଳାଜହର କାରବାର, ପୁଣି ୧୩ ଲକ୍ଷ ଟଙ୍କାର ବ୍ରାଉନ ସୁଗାର ଜବତ ପୁରୀ,ଜୁଲାଇ ୨୯(ଖବର ଓଡିଶା): Share story: ପୁରୀରୁ ପୁଣି ଜବତ ହେଲା ଧଳାଜହର। ୧୩୦ ଗ୍ରାମର ଧଳା ଜହର ଜବତ କରିଛି ଅବକାରୀ ବିଭାଗ। ଜବତ ବ୍ରାଉନ ସୁଗାର ଅନୁମାନିକ ମୂଲ୍ୟ ୧୩ ଲକ୍ଷ ଟଙ୍କା ହୋଇଥିବା ଜଣାପଡିଛି। ବ୍ରାଉନ ସୁଗାର ବେପାରୀ ଗୋବିନ୍ଦ ମୁଦୁଲିକୁ ଗିରଫ କରାଯାଇଛି। ସୂଚନା ଅନୁସାରେ, ପୁରୀ ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶ କ୍ରମେ ଜିଲ୍ଲା ମୋବାଇଲ ସ୍କ୍ୱାଡ଼ର ନିରୀକ୍ଷକ ସଞ୍ଜୟ କୁମାର ପଣ୍ଡାଙ୍କ ନେତୃତ୍ୱରେ ଏକ ଟିମ ସତ୍ୟବାଦୀ ଥାନା ଅଧୀନ କାଦୁଆ ଛକଠାରେ ଚଢ଼ଉ କରି ବ୍ରାଉନ ସୁଗାର ବେପାରୀ ଗୋବିନ୍ଦ ମୁଦୁଲିକୁ ଗିରଫ କରିଛି। ତେବେ ଅଭିଯୁକ୍ତ ଗୋବିନ୍ଦ ଠାରୁ ୧୩୦ ଗ୍ରାମ ବ୍ରାଉନ ସୁଗାର ଅବକାରୀ ବିଭାଗ ଜବତ କରିଛି। ଜବତ ବ୍ରାଉନ ସୁଗାରର ବଜାର ମୁଲ୍ୟ ୧୩ ଲକ୍ଷ ଟଙ୍କା ହେବ ବୋଲି ସୂଚନା ଦେଇଛି ଅବକାରୀ ବିଭାଗ। ଖବର ଓଡ଼ିଶା, Reporter, 29/07/2022