କେନ୍ଦ୍ରାପଡା ଜିଲ୍ଲାରେ ବାଇକ ଚୋରି ରାକେଟର ହୋଇଛି ପର୍ଦାଫାର୍ସ। ଜବତ ହେଲା ୯ ଟି ବାଇକ, ଆଉ ଗିରଫ ହୋଇଛନ୍ତି ୬ ଜଣ  ଲୁଟେରା। ସୂଚନାନୁଯାଇ ଗତ ୩ ତାରିଖରେ କେନ୍ଦ୍ରାପଡା ସହର ସ୍ଥିତ ଷ୍ଟେଟ ବ୍ୟାଙ୍କ ସାମ୍ନାରୁ ଏକ ବାଇକ ଚୋରିର ଅଭିଯୋଗକୁ ଆଧାର କରି ପୋଲିସ ତଦନ୍ତ ଚଳାଇଥିଲା। ଆଜି ସକାଳୁ ସକାଳୁ ଉକ୍ତ ବାଇକ ଚୋର କାହ୍ନୁ ଚରଣ ମଳିକ ଓରଫ "ଡଗୁଆ"କୁ ଠାଵ କରିବା ସହ,ଅଧିକ ପଚରାଉଚରା କରିଥିଲା ପୋଲିସ। ଏହାପରେ ଆଉ ୫ ଜଣ ଚୋରା ବାଇକ କିଣିଥିବା ଅଭିଯୁକ୍ତଙ୍କ ସମ୍ପୃକ୍ତି ପଦାକୁ ଆସିବାପରେ ଟାଉନ ଥାନା ପୋଲିସ ଏବଂ ପଟ୍ଟାମୁଣ୍ଡାଇ ଆଦର୍ଶ ଥାନା ପୋଲିସର ମିଳିତ ଚଢ଼ାଉ ପରେ ଜିଲ୍ଲାର ବିଭିନ୍ନ ସ୍ଥାନରୁ ସେମାନଙ୍କୁ ଗିରଫ କରାଯାଇଛି। ଗିରଫ ହୋଇଥିବା ସମସ୍ତ ଅଭିଯୁକ୍ତ ଜିଲ୍ଲାର ବିଭିନ୍ନ ସ୍ଥାନରୁ ବାଇକ ଚୋରି କରିବା ସହ ସେଗୁଡିକୁ ନେଇ ଅଲଗା ଅଲଗା ସ୍ଥାନରେ ବିକ୍ରି କରୁଥିବାର ସୂଚନା ମିଳିଛି। ଉକ୍ତ ୬ ଜଣ ଅଭିଯୁକ୍ତଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଥିବାର ସୂଚନା ଦେଇଛନ୍ତି ଅତିରିକ୍ତ ଆରକ୍ଷୀ ଅଧିକ୍ଷକ ଦେବାଶିଷ ଧଳ।