ଟ୍ରମ୍ପଙ୍କ ଟାରିଫ୍ ମାଡ଼ର ପ୍ରଭାବ ଆଜି ଭାରତୀୟ ସେୟାର ମାକେର୍ଟରେ ଦେଖିବାକୁ ମିଳିଛି । ଗୁରୁବାର ଷ୍ଟକ୍ ବଜାର ଖୋଲିବା ମାତ୍ରେ ଭାରତ ଉପରେ ଆମେରିକା ଦ୍ୱାରା ଲାଗୁ ହୋଇଥିବା ୫୦ ପ୍ରତିଶତ ଶୁଳ୍କର ପ୍ରଭାବ ଯୋଗୁଁ ବଜାର କ୍ରାସ ହୋଇଛି । BSE ସେନସେକ୍ସ ୬୫୦ ପଏଣ୍ଟ ହ୍ରାସ ପାଇଛି। ନିଫ୍ଟି ମଧ୍ୟ ଖରାପ ଅବସ୍ଥାରେ ଅଛି । ସେନସେକ୍ସ ପରି, ନିଫ୍ଟି ମଧ୍ୟ ଏହାର ପୂର୍ବ ବନ୍ଦ ତୁଳନାରେ ହ୍ରାସ ସହିତ କାରବାର ଆରମ୍ଭ କରିଥିଲା ଏବଂ ୨୦୦ ପଏଣ୍ଟର ହ୍ରାସ ସହିତ କାରବାର ହେଉଥିବା ଦେଖାଯାଇଥିଲା। ବଜାରରେ ହ୍ରାସ ମଧ୍ୟରେ, ଆଇଟି ଏବଂ ଟେକ୍ କମ୍ପାନୀଗୁଡ଼ିକ ସହିତ ବ୍ୟାଙ୍କିଂ ଷ୍ଟକ୍ ମଧ୍ୟ କ୍ରାସ୍ ହୋଇଥିଲା।

ଷ୍ଟକ୍ ମାର୍କେଟ ଖୋଲିବା ମାତ୍ରେ କ୍ରାସ୍ ହୋଇଗଲା ସେନସେକ୍ସ

୩୦ ସେୟାର ବିଶିଷ୍ଟ BSE ସେନସେକ୍ସ ୬୫୭ ପଏଣ୍ଟ ହ୍ରାସ ପାଇ ୮୦,୧୨୪ ପଏଣ୍ଟରେ ପହଞ୍ଚିଛି। ଏହା ଏହାର ପୂର୍ବ ବନ୍ଦ ୮୦,୭୮୬.୫୪ ପଏଣ୍ଟଠାରୁ ବହୁତ କମ୍ ଥିଲା। NSE ନିଫ୍ଟି ମଧ୍ୟ ୨୦୦ ପଏଣ୍ଟ ହ୍ରାସ ପାଇ ୨୪,୫୧୨ ପଏଣ୍ଟରେ ପହଞ୍ଚିଛି। ଗଣେଶ ଚତୁର୍ଥୀ ଯୋଗୁଁ ବୁଧବାର ବଜାର ବନ୍ଦ ଥିଲା, ତେଣୁ ଗୁରୁବାର ଏହାର ପୂର୍ଣ୍ଣ ପ୍ରଭାବ ଦେଖିବାକୁ ମିଳିଥିଲା।

ଆଇଟି ଏବଂ ବ୍ୟାଙ୍କିଙ୍ଗ କ୍ଷେତ୍ରକୁ ବଡ଼ ଝଟକା

ହ୍ରାସର ସବୁଠାରୁ ବଡ଼ ପ୍ରଭାବ ଆଇଟି ଏବଂ ବ୍ୟାଙ୍କିଂ ଷ୍ଟକ୍ ଉପରେ ପଡ଼ିଥିଲା। ଇନଫୋସିସ୍, ଏଚ୍ଡିଏଫ୍ସି ବ୍ୟାଙ୍କ, ଆଇସିଆଇସିଆଇ, ଜିଓ ଫାଇନାନ୍ସ, ଶ୍ରୀରାମ ଫାଇନାନ୍ସ ଏବଂ ଏଚ୍ସିଏଲ୍ ଟେକ୍ ଭଳି ବଡ଼ ଷ୍ଟକ୍ ଲାଲ ଚିହ୍ନରେ ଖୋଲିବା ମାତ୍ରେ ତଳକୁ ଖସିଯାଇଥିଲା।

ଲାଲ ଚିହ୍ନରେ କେତୋଟି କମ୍ପାନୀ ଖୋଲିଥିଲା

ସକାଳ କାରବାରରେ, ମୋଟ ୧୪୫୮ କମ୍ପାନୀର ସେୟାର ହ୍ରାସ ପାଇଥିଲା। ୧୦୨୩ କମ୍ପାନୀ ସବୁଜ ରଙ୍ଗରେ ଆରମ୍ଭ କରିଥିଲେ। ଯେତେବେଳେ ୧୯୫ କମ୍ପାନୀର ସେୟାର ବିଶେଷ ପରିବର୍ତ୍ତନ ବିନା ସ୍ଥିର ରହିଥିଲା। ହ୍ରାସ ପାଉଥିବା ବଜାରରେ ମଧ୍ୟ କିଛି ସେୟାର ଶକ୍ତି ଦେଖାଇଥିଲା। ହିରୋ ମୋଟୋକର୍ପ, ଏସିଆନ୍ ପେଣ୍ଟସ୍ ଏବଂ ଟାଇଟାନ୍ ସବୁଜ ଜୋନରେ ରହିଥିଲେ ଏବଂ ନିବେଶକମାନଙ୍କୁ କିଛି ଆଶ୍ୱସ୍ତି ଦେଇଥିଲେ।

ଏହି ଷ୍ଟକଗୁଡ଼ିକରେ ସବୁଠାରୁ ବଡ଼ ହ୍ରାସ 

ଏହା ବ୍ୟତୀତ, ଯେଉଁ ସେୟାରଗୁଡ଼ିକରେ ସବୁଠାରୁ ଅଧିକ ହ୍ରାସ ଘଟିଛି, ସେଥିରେ HCL ଟେକ୍ ସେୟାର, ପାୱାର ଗ୍ରୀଡ୍ ସେୟାର, TCS ସେୟାର, ସନ୍ ଫାର୍ମା ସେୟାର ଏବଂ HDFC ବ୍ୟାଙ୍କ ସେୟାର ଭଳି ଲାର୍ଜ କ୍ୟାପ୍ କମ୍ପାନୀଗୁଡ଼ିକ ଅନ୍ତର୍ଭୁକ୍ତ ଯାହା କମ କାରବାର କରୁଥିଲା।

ଅଧିକ ପଢନ୍ତୁ: ଟ୍ରମ୍ପଙ୍କ ଟାରିଫକୁ ଭାରତର ଜବାବ, କପଡ଼ା ରପ୍ତାନି ପାଇଁ ୪୦ ଦେଶରେ ଚାଲିବ ଖାସ୍ କାର୍ଯ୍ୟକ୍ରମ