ମୁମ୍ବାଇ: ରିଲାଏନ୍ସ ଦେଶରେ ଦ୍ରୁତ ଗତିରେ ଆଗକୁ ବଢ଼ିଚାଲିଛି । ପୁଣି ଆଉ ପାଦେ ଆଗକୁ ବଢ଼ିଛି ରିଲାଏନ୍ସ କମ୍ପାନୀ । ରିଲାଏନ୍ସ ଡିଜିଟାଲ ଓ ଜିଓର ସଫଳତା ପରେ ଏବେ କୃତ୍ରିମ ବୁଦ୍ଧିମତା ବା ଏଆଇ ଦୁନିଆର ପାଦ ଦେଇଛି କମ୍ପାନୀ ।  ରିଲାଏନ୍ସ କମ୍ପାନୀର ବାର୍ଷିକ ସାଧାରଣ ବୈଠକରେ (AGM) ମୁକେଶ ଅମ୍ବାନୀ ଏକ ନୂତନ କମ୍ପାନୀର ଘୋଷଣା କରିଛନ୍ତି । ରିଲାଏନ୍ସ ଗ୍ରୁପ୍ ରିଲାଏନ୍ସ ଇଣ୍ଟେଲିଜେନ୍ସ ନାମରେ ଏକ କମ୍ପାନୀ ଖୋଳିବାକୁ ଅମ୍ବାନ ଘୋଷଣା କରିଛନ୍ତି ।

ମୁକେଶ ଅମ୍ବାନୀ କହିଛନ୍ତି ଯେ ଦେଶରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସକୁ (AI)କୁ ପ୍ରୋତ୍ସାହିତ କରିବା ପାଇଁ ରିଲାଏନ୍ସ ସହାୟକ କମ୍ପାନୀ 'ରିଲାଏନ୍ସ ଇଣ୍ଟେଲିଜେନ୍ସ' ସ୍ଥାପନ କରିବ । ଅମ୍ବାନୀ କହିଛନ୍ତି, ଏଆଇ ପୂର୍ବରୁ ରିଲାଏନ୍ସର ଡିପ୍-ଟେକ୍ ବ୍ୟବସାୟ ହେବା ପାଇଁ ଆଗେଇ ଚାଲିବାକୁ ନେଇ ସେ ଗର୍ବ ଅନୁଭବ କରିଛନ୍ତି । ଏହି ଯୋଜନାକୁ ଆହୁରି ଅଧିକ ଧ୍ୟାନ ଏବଂ ଗତି ଦେବା ପାଇଁ, ଆଜି ମୁଁ ରିଲାଏନ୍ସ ଇଣ୍ଟେଲିଜେନ୍ସ ନାମକ ଏକ ନୂତନ ସମ୍ପୂର୍ଣ୍ଣ ମାଲିକାନା ସହାୟକ କମ୍ପାନୀ ଗଠନ ଘୋଷଣା କରି ଅଧିକ ଖୁସି ଏବଂ ଗର୍ବିତ ।'  ରିଲାଏନ୍ସ ଇଣ୍ଟେଲିଜେନ୍ସ ଦେଶରେ ପ୍ରତ୍ୟେକ କ୍ଷେତ୍ରରେ ଏଆଇ ପହଁଚାଇବ ବୋଲି କହିଛନ୍ତି ଅମ୍ବାନୀ ।