ସରକାରଙ୍କୁ ଲାଗିପାରେ ଝଟକା, ଆଇଏମଏଫ ପରେ ବିଶ୍ଵ ବ୍ୟାଙ୍କ ମଧ୍ୟ ହ୍ରାସ କଲା ଅଭିବୃଦ୍ଧି ହାର
Khabar Odisha:business-odisha-world-bank-cuts-india-growth-projection-to-6-per-cent
ନୂଆଦିଲ୍ଲୀ,ଅକ୍ଟୋବର୧୩(ଖବର ଓଡ଼ିଶା):

 ଅନ୍ତରାଷ୍ଟ୍ରୀୟ ମୁଦ୍ରା କୋଷ(ଆଇଏମଏଫ) ପରେ ଏବେ ବିଶ୍ଵ ବ୍ୟାଙ୍କ ଚଳିତ ଆର୍ଥିକ ବର୍ଷ ପାଇଁ ଭାରତର ଅଭିବୃଦ୍ଧି ହାର ହ୍ରାସ କରିଛି। ବିଶ୍ଵ ବ୍ୟାଙ୍କ ଆର୍ଥିକ ବର୍ଷ ୨୦୧୯-୨୦ରେ ଭାରତର ଅଭିବୃଦ୍ଧି ହାର ୬ ପ୍ରତିଶତ ରହିବ ବୋଲି ଅନୁମାନ କରିଛି। ଗତ ବର୍ଷ ୨୦୧୮-୧୯ରେ ଦେଶର ଅଭିବୃଦ୍ଧି ହାର ୬.୯ ପ୍ରତିଶତ ରହିଥିଲା। ରିପୋର୍ଟରେ କୁହାଯାଇଛି ଯେ, ଆଗାମୀ ଆର୍ଥିକ ବର୍ଷରୁ ଭାରତର ଅର୍ଥବ୍ୟବସ୍ଥାରେ ସୁଧାର ଆସିବ ଏବଂ ୨୦୨୧ରେ ଅଭିବୃଦ୍ଧି ହାର ୬.୯ ପ୍ରତିଶତ ପର୍ଯ୍ୟନ୍ତ ପହଞ୍ଚିପାରେ। ବିଶ୍ଵ ବ୍ୟାଙ୍କ ଏହା ମଧ୍ୟ ଅନୁମାନ କରିଛି ଯେ, ୨୦୨୨ରେ ବିକାଶର ଗତି ୭.୨ ପ୍ରତିଶତ ପର୍ଯ୍ୟନ୍ତ ପହଞ୍ଚିଯିବ। 

ଏହି ସପ୍ତାହରେ ଆଇଏମଏଫ ଚଳିତ ଆର୍ଥିକ ବର୍ଷ ପାଇଁ ଭାରତୀୟ ଅର୍ଥବ୍ୟବସ୍ଥାର ଅଭିବୃଦ୍ଧି ହାର ହ୍ରାସ ପାଇବ ବୋଲି ଅନୁମାନ କରିଛି। ଆଇଏମଏଫ ଭାରତ ଗ୍ରୋଥ ରେଟ୍ ୭ ପ୍ରତିଶତ ତଳକୁ ରହିବ ବୋଲି ଅନୁମାନ କରିଛି। ଏହା ପୂର୍ବରୁ ରିଜର୍ଭ ବ୍ୟାଙ୍କ ଅଫ ଇଣ୍ଡିଆ(ଆରବିଆଇ) ଭାରତର ଅଭିବୃଦ୍ଧି ୬.୮ ପ୍ରତିଶତରୁ ହ୍ରାସ କରି ୬.୧ ପ୍ରତିଶତ ରହିବ ବୋଲି ଅନୁମାନ କରିଥିଲା। ବିଶେଷଜ୍ଞଙ୍କ ଅନୁଯାୟୀ ଘରୋଇ କ୍ଷେତ୍ରରେ ଚାହିଦା କମିବା କାରଣରୁ ଦେଶର ଅଭିବୃଦ୍ଧି ହାରରେ ହ୍ରାସ ପରିଲଖିତ  ହେଉଛି। 

କ୍ରମାଗତ ଦୁଇ ବର୍ଷ ଅଭିବୃଦ୍ଧି ହାରରେ ହ୍ରାସ

ଆଇଏମଏଫ ଓ ବିଶ୍ଵ ବ୍ୟାଙ୍କର ବାର୍ଷିକ ବୈଠକ ଶୀଘ୍ର ହେବାକୁ ଯାଉଛି। ଏହି ରିପୋର୍ଟକୁ ଠିକ୍ ବୈଠକ ପୂର୍ବରୁ ପ୍ରକାଶିତ କରାଯାଇଛି। ରିପୋର୍ଟରେ କୁହାଯାଇଛି ଯେ, ଭାରତର ବିକାଶ ହାରରେ କ୍ରମାଗତ ଦ୍ଵିତୀୟ ବର୍ଷ ହ୍ରାସ ପରିଲଖିତ ହୋଇଛି। ଉଲ୍ଲେଖଯୋଗ୍ୟ, ୨୦୧୭-୧୮ରେ ବିକାଶ ହାର ୭.୨ ପ୍ରତିଶତ ରହିଥିଲା। ଚଳିତ ଆର୍ଥିକ ବର୍ଷରେ ଏହା ତଳକୁ ଖସି ୬ ପ୍ରତିଶତରେ ପହଞ୍ଚି ସାରିଛି। 

କୃଷି ବିକାଶ ହାର ୨.୯ ପ୍ରତିଶତ

ବିଶ୍ଵ ବ୍ୟାଙ୍କର ରିପୋର୍ଟ ମୁତାବକ, ଚଳିତ ଆର୍ଥିକ ବର୍ଷରେ ଅଦୌଗିକି ଉତ୍ପାଦନ ବିକାଶ  ହାରରେ ବୃଦ୍ଧି ଘଟିଛି। ମ୍ୟାନୁଫେକଚରିଂ ଓ ବିନିର୍ମାଣରେ ବୃଦ୍ଧିରେ ଅଦୌଗିକି ଅଭିବୃଦ୍ଧି ହାର ୬.୯ ପ୍ରତିଶତରେ ପହଞ୍ଚିଛି। କୃଷି କ୍ଷେତ୍ରରେ ଅଭିବୃଦ୍ଧି ହାର ୨.୯ ପ୍ରତିଶତ ଓ ସେବା କ୍ଷେତ୍ରରେ ଅଭିବୃଦ୍ଧି ହାର ୭.୫ ପ୍ରତିଶତ ରହିଛି।

Subscribe

National International State Sports Entertainment