ଆଇପିଏଲ-୧୦: ଦିଲ୍ଲୀ, ଗୁଜରାତ, ବେଙ୍ଗଲୁରୁ ପ୍ଲେ ଅଫ୍ ଦୌଡ଼ରୁ ବାଦ, ୪ଟି ଦଳ ମଧ୍ୟରେ ହେବ କଡ଼ା ଟକ୍କର
Khabar Odisha:IPL-10-Delhi-Gujrat-and-Delhi-out-from-play-off-match

ଭୁବନେଶ୍ଵର,ମେ୦୯(ଖବର ଓଡ଼ିଶା): ଆଇପିଏଲ-୧୦ର ମୁମ୍ବାଇ ଇଣ୍ଡିଆନ୍ସ ପ୍ରଥମ ଟିମ୍ ଭାବେ ପ୍ଲେ ଅଫରେ ପ୍ରବେଶ କରିଛି। ଦଳ  ଏପର୍ୟ୍ୟନ୍ତ ୧୨ଟି ମ୍ୟାଚରୁ  ୯ଟିରେ ବିଜୟୀ ହୋଇ ୧୮ ପଏଣ୍ଟ ପାଇଛି। ଗ୍ରୁପ୍ ଲେବୁଲରେ  ଏବେ  ୮ଟି ମ୍ୟାଚ ବାକି ଅଛି। ପ୍ଲେଅଫରେ ପହଞ୍ଚିବାକୁ ବାକି ୩ଟି  ଦଳର ଚିତ୍ର ଏପର୍ୟ୍ୟନ୍ତ ସ୍ପଷ୍ଟ ହୋଇନାହିଁ। ଏବେ ପ୍ଲେ ଅଫ୍ ଦୌଡ଼ରେ ୪ଟି ଦଳ କୋଲକାତା ନାଇଟ ରାଇଡର୍ସରାଇଜିଂ ପୁନେ ସୁପର ଜିଆଣ୍ଟ, ସନରାଇଜର୍ସ ହାଇଦ୍ରାବାଦ ଓ କିଙ୍ଗ୍ସ ଇଲେଭେନ ପଞ୍ଜାବ ଅଛନ୍ତି।

ଗୌତମ ଗମ୍ଭୀରଙ୍କ ଦଳ କେକେଆର ଓ ଷ୍ଟିଭ ସ୍ମିଥଙ୍କ ଦଳ ପୁଣେ ସୁପର ଜିଆଣ୍ଟଙ୍କୁ ପ୍ଲେ ଅଫରେ ପହଞ୍ଚିବା ପାଇଁ କେବଳ ଗୋଟିଏ ମ୍ୟାଚ୍ ଜିତିବାକୁ ପଡ଼ିବ। ଏହି ଦୁଇ ଦଳ ହାତରେ ଏବେ ୨-୨ଟି ମ୍ୟାଚ ଅଛି। ସୋମବାର ସନରାଇଜର୍ସ ହାଇଦ୍ରାବାଦ ମୁମ୍ବାଇ ଇଣ୍ଡିଆନ୍ସକୁ ୭ଟି ଓ୍ଵିକେଟରେ ପରାସ୍ତ କରି ପଏଣ୍ଟ ତାଲିକାର ଚତୁର୍ଥ ସ୍ଥାନରେ ରହିଛି। ଦଳ ୧୩ଟି ମ୍ୟାଚରୁ ୧୫ ପଏଣ୍ଟ ହାସଲ କରିଛି। ହାଇଦ୍ରାବାଦର ଏହି ବିଜୟ ଦିଲ୍ଲୀ ଡେୟାର ଡେଭିଲ୍ସକୁ ପ୍ଲେ ଅଫ ଦୌଡ଼ରୁ ବାହାର କରିଛି। ସୁରେଶ ରୈନାଙ୍କ ଦଳ ଗୁଜରାତ ଲାଏନ୍ସ ୧୨ ମ୍ୟାଚରୁ ୮ଟିରେ ପରାସ୍ତ ହୋଇ ଟୁର୍ଣ୍ଣାମେଣ୍ଟରୁ ବାଦ ପଡ଼ିଛି।

ଏହିପରି ବିରୋଟ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ଦଳ ୧୩ଟି ମ୍ୟାଚରୁ  ୧୦ଟିରେ ପରାସ୍ତ ହୋଇ ପ୍ରଥମ ଦଳ ଭାବେ ଆଇପିଏଲ ୧୦ରୁ ବାହାର ହୋଇଛି।


ପ୍ଲେ ଅଫ୍ ଦୌଡ଼ରେ ଥିବା ଦଳ

୦ କୋଲକାତ ନାଇଟ ରାଇଡର୍ସ-     ପ୍ଲେ ଅଫ୍ ଯିବା ନିଶ୍ଚିତ

୦ ରାଇଜିଙ୍ଗ ପୁଣେ ସୁପର ଜିଆଣ୍ଟ- କେବଳ ଗୋଟିଏ ମ୍ୟାଚ ଜିତିବା ଆବଶ୍ୟକ

୦ ସନରାଇଜର୍ସ ହାଇଦ୍ରାବାଦ- ଅନ୍ତିମ ମ୍ୟାଚ ଜିତିବା ନିହାତି ଜରୁରୀ

୦ କିଙ୍ଗ୍ସ ଇଲେଭନ ପଞ୍ଜାବ- ୩ଟି ମ୍ୟାଚ ଜିତିବା ଜରୁରୀ

  • Tags:

Subscribe

National International State Sports Entertainment