ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ଓ ପ୍ରଯୋଜକ ଅମୀୟ ପଟ୍ଟନାୟକଙ୍କ ପରଲୋକ
Khabar Odisha:Veteran-Odia-filmmaker-Amiya-Patnaik-passes-away
ଭୁବନେଶ୍ୱର, ଅକ୍ଟୋବର ୧୯(ଖବର ଓଡ଼ିଶା):

 ଓଡିଆ ସିନେ ଜଗତର ବିଶିଷ୍ଟ ଚଳଚ୍ଚିତ୍ର ନିର୍ମାତା ଓ ପ୍ରଯୋଜକ ଅମୀୟ ରଞ୍ଜନ ପଟ୍ଟନାୟକଙ୍କ ପରଲୋକ ହୋଇଯାଇଛି। ଶୁକ୍ରବାର ନୂଆଦିଲ୍ଲୀର ମେଦାନ୍ତ ହସ୍ପିଟାଲରେ ଚିକିତ୍ସିତ ଅବସ୍ଥାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଆଜି ଅପରାହ୍ଣରେ ତାଙ୍କ ମୃତ ଦେହକୁ ଭୁବନେଶ୍ୱର ସ୍ଥିତ ବାସଭାବନକୁ ଅଣାଯିବ ବୋଲି ସୂଚନା ମିଳିଛି।  ଓଲିଉଡରେ ଅନେକ ଲୋକପ୍ରୀୟ ସିନେମା ନିର୍ମାଣ କରି ସେ ଦର୍ଶକଙ୍କ ମନକୁ ଜଣିପାରିଥିଲେ। ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଭାଇ ହେଉଛନ୍ତି ଅମୀୟ ପଟ୍ଟନାୟକ।      

ଅମୀୟ ପଟ୍ଟନାୟକ ୮୦ଦଶକରେ ଓଡିଆ ଚଳଚ୍ଚିତ୍ର ନିର୍ମାଣ କ୍ଷେତ୍ରରେ ପ୍ରବେଶ କରିଥିଲେ। ସେ ୧୯୮୫ ମସିହାରେ ପ୍ରଥମେ ନିର୍ମାଣ କରିଥିଲେ 'ମମତା ମାଗେ ମୂଲ' । ଏହି ଫିଲ୍ମରେ ପ୍ରଥମ ପ୍ରଯୋଜକ ମଧ୍ୟ ଭାବେ ପ୍ରବେଶ କରିଥିଲେ। କ୍ରମେ ସେ ‘ହାକିମ ବାବୁ’(୧୯୮୫) ନିର୍ମାଣ କରିଥିଲେ। ଏହାକୁ ରାଜ୍ୟ ଏବଂ ଜାତୀୟ ପୁରସ୍କାର ବି ମିଳିଥିଲା। 'ରାଜାରାଣୀ'(୧୯୮୯), 'ପରଦେଶୀ ବାବୁ'(୧୯୯୯) ଏବଂ 'ବାବୁ ଆଇ ଲଭ ୟୁ'(୨୦୦୫) ଭଳି ଅନେକ ସୁପରହିଟ୍ ଚଳଚ୍ଚିତ୍ର ନିର୍ମାଣ କରିଛନ୍ତି।   

ସେହିପରି ୨୦୧୫ରେ ‘ତୁଳସୀ ଅପା’ ଜରିଆରେ ସେ ନିର୍ଦ୍ଦେଶକକୁ ପ୍ରତ୍ୟାବର୍ତ୍ତନ କରିଥିଲେ। ପଦ୍ମଶୀ ତୁଳସୀ ମୁଣ୍ଡାଙ୍କ ଜୀବନଧାରା ଉପରେ ଆଧାରିତ ଏହି ଫିଲ୍ମକୁ ସେ ନିର୍ମାଣ କରିଥିଲେ।  ଏଥିପାଇଁ ସେ ଶ୍ରେଷ୍ଠ ନିର୍ଦ୍ଦେଶକଭାବେ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ। ତାଙ୍କ ପରଲୋକରେ ଓଲିଉଡ ଜଗତରେ ଶୋକର ଛାୟା ଖେଳିଯାଇଛି।  

Subscribe

National International State Sports Entertainment