ଅଲକାଇଦାର ମୁଖ୍ୟ ହେବ ଲାଦେନର ପୁଅ ହମଜା, ପିତା ମୃତ୍ୟୁର ପ୍ରତିଶୋଧ ନେବାକୁ ଚାହେଁ: ଏଫବିଆଇ ଅଫିସର
Khabar Odisha:Ladens-son-Hamza-will-take-the-power-of-alkaida
ୱାଶିଂଟନ, ମଇ୧୩(ଖବର ଓଡ଼ିଶା): କୁଖ୍ୟାତ ଆତଙ୍କବାଦୀ ଓସାମା ବିନ୍‌ ଲାଦେନର ପୁଅ ହମଜା ଏବେ ନିଜର ବାପାର ମୃତ୍ୟୁର ପ୍ରତିଶୋଧ ନେବାକୁ ଚାହୁଁଛି। ନିକଟରେ ସେ ଛାଡ଼ିଥିବା ଦୁଇଟି ଅଡ଼ିଓ ବାର୍ତ୍ତାରେ ଏହା ସ୍ପଷ୍ଟ ହୋଇଛି। ଏପରିକି ତାକୁ ଖୁବ୍‌ ଶିଘ୍ର ଅଲକାଇଦାର ମୁଖ୍ୟ ଭାବେ ନିଯୁକ୍ତ କରାଯାଇପାରେ ବୋଲି ଆମେରିକାର ଗୁଇନ୍ଦା ବିଭାଗର ଏକ ପୂର୍ବତନ ଅଫିସର ସୁଚନା ଦେଇ କହିଛନ୍ତି।
 
ଏକ ସାକ୍ଷାତକାର ଅବସରରେ ଅଫିସର ଅଲି ସୌଫାନ ଲାଦେନକୁ ମାରିବା ପାଇଁ ଚାଲିଥିବା ଅପରେଶନ ସମୟରେ କିଛି ଚିଠି ମିଳିଥିବା କହିଛନ୍ତି। ଯେଉଁଥିରୁ ଲାଦେନର ପୁଅ ଅଲକାଇଦାର ମୁଖିଆ ହୋଇପାରେ ବୋଲି ଜଣାପଡ଼ିଛି। ହମଜା ମଧ୍ୟ ପିତାର ଆଦର୍ଶରେ ଅନୁପ୍ରାଣିତ ବୋଲି କୁହାଯାଏ । ତେଣୁ ଏବେ ସେ ଲାଦେନର ମୃତ୍ୟୁର ପ୍ରତିଶୋଧ ନେବା ପାଇଁ ଅଲକାଇଦା ମୁଖିଆ ଭାବେ କାର୍ୟ୍ୟ ସମ୍ପାଦନ କରିବାର ସମ୍ଭାବନା ରହିଛି ବୋଲି ସେ ମଧ୍ୟ ପ୍ରକାଶ କରିଛନ୍ତି।
 
ଏଠାରେ କହିରଖୁଛୁ ଯେ, ଆମେରିକାର ୯/୧୧ ଆକ୍ରମଣ ପରେ ଦେଶ ପକ୍ଷରୁ ଲାଦେନକୁ ହତ୍ୟା କରିବା ପାଇଁ ଯୋଜନା କରାଯାଇଥିଲା। ଏହି ପ୍ରୟାସ ସମୟରେ ହମଜା ଲେଖିଥିବା କିଛି ଚିଠି ହସ୍ତଗତ ହୋଇଥିଲା। ସେତେବେଳେ ସେ ୨୨ ବର୍ଷର ହୋଇଥିବା ବେଳେ ନିଜକୁ ଫାଲାଦ ବୋଲି ଭାବୁଥିବା ଉଲ୍ଲେଖ କରିଥିଲା। ଜିହାଦ ରାସ୍ତାରେ ଚାଲିବା ପାଇଁ ସେ ପ୍ରସ୍ତୁତ ବୋଲି କହିଥିଲା। ଏବେ ସେ ୨୮ ବର୍ଷର ହୋଇସାରିଥିବା ବେଳେ ଜିହାଦିମାନଙ୍କୁ ନେଇ ଆନ୍ଦୋଳନ କରିପାରେ ବୋଲି ସୌଫାନ କହିଛନ୍ତି।
 
ଏହାଛଡ଼ା ନିକଟରେ ଆସିଥିବା ହମାଜର ଅଡ଼ିଓ ବାର୍ତ୍ତାରେ ଆମେରିକା ଆମେ ଆସୁଛୁ ବୋଲି କୁହାଯାଇଛି। ଏପରିକି ପିତାଙ୍କ ମୃତ୍ୟୁର ପ୍ରତିଶୋଧ ଆମେ ନେବୁ ବୋଲି କୁହାଯାଇଥିବା ସେ ପ୍ରକାଶ କରିଛନ୍ତି।
  • Tags:

Subscribe

National International State Sports Entertainment