ଭୁବନେଶ୍ବର : ନନ୍ଦନକାନନ ପ୍ରାଣୀ ଉଦ୍ୟାନର ପ୍ରତିଷ୍ଠା ଦିବସରେ ଆସିଛି ଏକ ଖୁସି ଖବର । ଆଜି ୨୯ ଡିସେମ୍ବର ପ୍ରାଣୀ ଉଦ୍ୟାନର ପ୍ରତିଷ୍ଠା ଦିବସରେ ରେ ୬୦(କ) ଏନକ୍ଲୋଜରରେ ଏକ ସିମ୍ପାଞ୍ଜି ଶାବକ ଜନ୍ମ ହୋଇଛି । ସିମ୍ପାଞ୍ଜି ରାକ୍ଷୀ ଏକ ଶିଶୁ ସିମ୍ପାଞ୍ଜି ଶାବକକୁ ଜନ୍ମ ଦେଇଛି। ସିମ୍ପାଞ୍ଜି ଜୁଲୁ ସହ ମିଳନରୁ ଏହି ଶାବକ ଜନ୍ମ ହୋଇଥିବା ନନ୍ଦନକାନନ ପ୍ରାଣୀ ଉଦ୍ୟାନ କର୍ତୁପକ୍ଷ ଘୋଷଣା କରିଛି।
ସୂଚନାଯୋଗ୍ୟ ଜୁଲୁ ୧୯୯୪ ମସିହା ମେ’ ମାସରେ ସିଙ୍ଗାପୁର ପ୍ରାଣୀ ଉଦ୍ୟାନରୁ ଆସିଥିଲା। ରାକ୍ଷୀ ୨୦୧୧ ମସିହା ଅଗଷ୍ଟ ମାସ ୧୨ ତାରିଖରେ ନନ୍ଦନକାନନରେ ଜନ୍ମଗ୍ରହଣ କରିଥିଲା। ଏହାରି ମଧ୍ୟରେ ପ୍ରାଣୀ ଉଦ୍ୟାନର ସିମ୍ପାଞ୍ଜି ସଂଖ୍ୟା ୮କୁ ବୃଦ୍ଧି ହୋଇଛି। ବର୍ତ୍ତମାନ ୨ଅଣ୍ଡିରା ଓ ୫ ମାଈ ଲିଙ୍ଗ ଚିହ୍ନଟ ଶାବକଟି ଅଛନ୍ତି।