ଦେଶ ଓ ମାତୃଭୂମିର ରକ୍ଷା କରିବାକୁ ଯାଇ ନିଜର ସର୍ବସ୍ୱ ବଳିଦାନ ଦେଇଥିବା ବୀର ପୁତ୍ର ମାନଙ୍କୁ ସଲାମ। କାର୍ଗିଲ ବିଜୟ ଦିବସକୁ ୨୫ ବର୍ଷ ପୂରଣ ହୋଇ ଯାଇଛି। ଦୀର୍ଘ ୬୦ ଦିନ ଧରି ଚାଲିଥିବା କାର୍ଗିଲ ଯୁଦ୍ଧରେ ବିଜୟୀ ହୋଇ କାର୍ଗିଲ ଟାଇଗର ହିଲରେ ଭାରତୀୟ ପତାକା ଉଡାଇଥିଲେ ଭାରତୀୟ ବୀର ସୈନିକ। ହେଲେ ଏହି ବିଜୟ ହାସିଲ କରିବାକୁ ଯାଇ ଅନେକ ବୀର ପୁତ୍ର ନିଜର ପ୍ରାଣର ବଳିଦାନ ଦେଇଥିଲେ।
ତାଙ୍କର ସ୍ମୃତିରେ ତଥା କାର୍ଗିଲ ବିଜୟ ଦିବସର ୨୫ତମ ବର୍ଷ ପାଳନ ଅବସରରେ ସାମାଜିକ ଅନୁଷ୍ଠାନ ସଂକଳ୍ପ ପରିବାର ଓ ବରଗଡ଼ ପଞ୍ଚାୟତ କଲେଜ ଆଲୁମିନି ସଦସ୍ୟଙ୍କ ମିଳିତ ଉଦ୍ୟମରେ କଲେଜ ପରିସରରେ ୨୫ଗୋଟି ବିଭିନ୍ନ ପ୍ରଜାତିର ବୃକ୍ଷ ରୋପଣ କରାଯାଇଥିଲା। ବୃକ୍ଷ ରୋପଣ କାର୍ଯ୍ୟକ୍ରମ ରେ କଲେଜ ଆଲୁମିନି ସଦସ୍ୟ ଶ୍ରୀ ଅମିତ ସାହୁ , ପଞ୍ଚାୟତ ମହାବିଦ୍ୟାଳୟ ରାଜନୀତି ବିଜ୍ଞାନ ଅଧ୍ୟାପକ ଶ୍ରୀ ବିଜୟ ନାଗ ଏବଂ ସଂକଳ୍ପ ପରିବାର ସଭାପତି ଶ୍ରୀ ବିକାଶ କୁମାର ଅଗ୍ରୱାଲ ପ୍ରମୁଖ ଉପସ୍ଥିତ ରହି ବୃକ୍ଷ ରୋପଣ କରିଥିଲେ ଓ ଲଗାଯାଇଥିବା ସମସ୍ତ ବୃକ୍ଷର ଯତ୍ନ ନେବା ପାଇଁ ସଂକଳ୍ପ ନେଇଥିଲେ।