ଆଗାମୀ ଅଗଷ୍ଟ ୧ ତାରିଖରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ସମ୍ବଲପୁର ଠାରେ ୧୨ ତମ ରାଜ୍ୟସ୍ତରୀୟ ସମ୍ବଲପୁରି ଦିନ ପାଳନ କରାଯିବ। ସମ୍ବଲପୁରୀ ଭାଷାର ସାହିତ୍ୟିକ ତଥା କବି ଗୁରୁ ସତ୍ୟନାରାୟଣ ବହିଦାରଙ୍କ ଜନ୍ମଦିନକୁ ସମ୍ବଲପୁରି ଦିନ ଭାବରେ ସମ୍ବଲପୁର ଠାରେ ପାଳନ ହୋଇଥାଏ। ତେଣୁ ଏ ନେଇ ପ୍ରସ୍ତୁତି ଚୁଡ଼ାନ୍ତ ପର୍ଯ୍ୟାୟରେ ପହଂଚି ଥିବା ନେଇ ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ସୁଚନା ଦିଆଯାଇଛି।
ସାମ୍ବାଦିକ ସମ୍ମିଳନୀରେ କୁହାଯାଇଛି ଯେ, ସମ୍ବଲପୁରୀ ଦିନ ପାଳନ ପୁର୍ଵରୁ ଆସନ୍ତା ୨୮ ତାରିଖ ରବିବାର ଦିନ କଚେରୀ ଛକ ସ୍ଥିତ ପାର୍କରେ ଗୁରୁ ଶ୍ରୀ ସତ୍ୟାନାରାୟଣ ବହିଦାରଙ୍କ ଏକ ପ୍ରତିମୃତ୍ତି ଉନ୍ମୋଚନ ହେବ। ଏଥିରେ ମୁଖ୍ୟ ଅତିଥି ଭାବେ ସମ୍ବଲପୁର ସାଂସଦ ତଥା କେନ୍ଦ୍ରମନ୍ତ୍ରୀ ଧମେନ୍ଦ୍ର ଓ କେନ୍ଦ୍ରମନ୍ତ୍ରୀ ସତିଶ ଚନ୍ଦ୍ର ଦୁବେ ଯୋଗ ଦେଇ ପ୍ରତିମୃତ୍ତି ଉନ୍ମୋଚନ କରିବେ। ଏହାସହ ରବିବାର ଦିନ ସମ୍ବଲପୁରୀ ନନୀ କାର୍ଯ୍ୟକ୍ରମରେ ପ୍ରତିଭା ମାନେ ଫେଶନ ସୋ, ଡେନ୍ସ ଆଦି ବିଭିନ୍ନ କାର୍ଯ୍ୟକ୍ରମ ହେବ। ତେବେ ସମ୍ବଲପୁରୀ ଦିନକୁ ସକାଳ ୧୦ ଟାରୁ ରାତ୍ରି ୧୦ଟା ଯାଏ ଧୁମଧାମରେ ପାଳନ ହେବ।
ଏଥର ବରଗଡ ଜିଲ୍ଲାର ସମ୍ବଲପୁରୀ ସାହିତ୍ୟକ ଶିବ ଶଙ୍କର ପୁଝାରୀକୁ ସମ୍ବଲପୁରୀ ଜାତୀୟ ସମ୍ମାନରେ ସମ୍ମନିତ କରାଯିବ। ସମ୍ବଲପୁରୀ ଭାଷା, ସାହିତ୍ୟ ତଥା ସଂସ୍କୃତିକୁ ଅଧିକ ପ୍ରଚାର ପ୍ରସାର କରିବାକୁ ସମ୍ବଲପୁରୀ ଦିନ ଏକ ବଳିଷ୍ଠ ମାଧ୍ୟମ ହୋଇଥିବା ବେଳେ ଆଗକୁ ଏହା ବିଶ୍ୱସ୍ତରରେ ସମ୍ବଲପୁରୀ ଭାଷାକୁ ସ୍ୱତନ୍ତ୍ର ପରିଚୟ ସୃଷ୍ଟି କରାଇବାରେ ପଶ୍ଚିମାଞ୍ଚଳ ଏକତା ମଞ୍ଚ ପ୍ରମୁଖ ଭୂମିକା ନେବ ବୋଲି ଆୟୋଜକ ମାନେ ସାମ୍ବାଦିକ ସମ୍ମିଳନୀରେ କହିଛନ୍ତି।