ବିନା ପ୍ରମାଣପାତ୍ର ରେ ଚାଲୁଥିଲା ଡାଇଗ୍ନୋଷ୍ଟିକ ସେଣ୍ଟର । ସିଜ କଲା ଜିଲ୍ଲାପ୍ରଶାସନ । କେନ୍ଦ୍ରାପଡାରେ ବେଆଇନ ଡାଇଗ୍ନୋଷ୍ଟିକ ସେଣ୍ଟର ଉପରେ ବଡ଼ ଧରଣର ଚଢ଼ାଉ । ଚଢ଼ାଉରେ ସାମିଲ ହେଲେ ଉପଜିଲ୍ଲାପାଳ, ଏସଡିପିଓ, ମେଡିକାଲ ଏଡିଏମଓ, ଥାନା ଅଧିକାରୀ । କେନ୍ଦ୍ରପଡା ଜିଲ୍ଲା ପୁରୁଣା ମେଡିକାଲ ନିକଟରେ ଥିବା ଆରୟନ ଡାଇଗ୍ନୋଷ୍ଟିକ ଉପରେ ଚଢ଼ାଉ । ଉକ୍ତ ଡାଇଗ୍ନୋଷ୍ଟିକ ସେଣ୍ଟରର କୌଣସି ପ୍ରମାଣପାତ୍ର ନଥିବାର ଜଣାପଡିଛି । ଏହି ସେଣ୍ଟର ରେ ବିଭିନ୍ନ ପ୍ରକାରର ପରୀକ୍ଷା କରାଯିବା ସହ, ରୋଗୀଙ୍କୁ ଚିକିତ୍ସା ମଧ୍ୟ କରାଯାଉଥିଲା । ଲୋକମାନଙ୍କୁ ବିଶ୍ୱାସ ଯୋଗାଇବା ପାଇଁ ଅନେକ ଡାକ୍ତର ମାନଙ୍କ ପ୍ରେସକ୍ରିପସନ ମଧ୍ୟ ବ୍ୟବହାର କରାଯାଉଥିଲା । ଉକ୍ତ ସେଣ୍ଟର ର ମାଲିକ ଅମୁଲ୍ୟ କୁମାର ନାୟକଙ୍କୁ ପଚରାଉଚରା କରିବା ସହ ଡାଇଗ୍ନୋଷ୍ଟିକ ସେଣ୍ଟର କୁ ସମ୍ପୂର୍ଣ୍ଣ ଭାବେ ସିଲ କରିଛି ଜିଲ୍ଲା ପ୍ରଶାସନ । କେବଳ ଏହି ଗୋଟିଏ ଡାଇଗ୍ନୋଷ୍ଟିକ ସେଣ୍ଟର ନୁହେଁ, ୟା ପରେ ଆହୁରି ଅନେକ ସେଣ୍ଟର ଉପରେ ଚଢ଼ାଉ ହେବ ବୋଲି କହିଛନ୍ତି ଉପଜିଲ୍ଲାପାଳ ।