ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲା ପରିବାର
Khabar Odisha:state-odisha-hanging-deadbody-of-a-lady-found-in-Cuttack
କଟକ, ଫେବୃଆରୀ ୧୮(ଖବର ଓଡ଼ିଶା):

କଟକ ସାରଙ୍ଗା ଗ୍ରାମରେ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଯୈାତୁକ ପାଇଁ ଝିଅକୁ ହତ୍ୟା କରାଯାଇଥିବା ମୃତ ମହିଳାଙ୍କ ବାପା ଥାନାରେ ଏତଲା ଦେଇଛନ୍ତି । 

ସୂଚନାନୁସାରେ, କଟକ ଜିଲ୍ଲା ଟାଙ୍ଗି ଥାନା ଅନ୍ତର୍ଗତ ଭଟିମୁଣ୍ଡା ପଂଚାୟତ ସାରଙ୍ଗା ଗ୍ରାମରେ ବ୍ରହ୍ମାନନ୍ଦ ମଲ୍ଲିକଙ୍କ ସହ ଖୋର୍ଦ୍ଧା ଜିଲ୍ଲା ପ୍ରୀତିପୁରର ସଂଗୀତା ମଲ୍ଲିକଙ୍କ ବିବାହ ହୋଇଥିଲା । ତେବେ ଆଜି ବ୍ରହ୍ମାନନ୍ଦ ମାଲିକଙ୍କ ଘରୁ ତାଙ୍କ ପତ୍ନୀ ସଂଗୀତା ମାଲିକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସଂଗୀତା ବେକରେ ଲୁଗାବାନ୍ଧି ଆତ୍ମହତ୍ୟା କରିଥିବା ଶାଶୁଘର ଲୋକେ  କହିଛନ୍ତି । ତେବେ ଶଶୁର ଘର ଲୋକେ ଯୌତୁକ ପାଇଁ ତାଙ୍କ ଝିଅକୁ ମାରିଦେଇ ଥିବା ମୃତ ସଂଗୀତାଙ୍କ ବାପା ସାଗର ମାଲିକ ଟାଙ୍ଗି ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ଟାଙ୍ଗି ଥାନା ପୋଲିସ ମୃତ ସଂଗୀତାଙ୍କ ସ୍ୱାମୀ ବ୍ରହ୍ମାନନ୍ଦଙ୍କୁ ଅଟକ ରଖିବା ସହିତ ତଦନ୍ତ ଜାରି କରିଛି । ତେବେ ଏହା ଏକ ହତ୍ୟା କି ଆତ୍ମହତ୍ୟା ତାହା ଏଯାଏଁ ସ୍ପଷ୍ଟ ହୋଇନାହିଁ ।

  • Tags:

Subscribe

National International State Sports Entertainment