ଭୁବନେଶ୍ୱର: ଏକ ନକଲି ଟ୍ରେଡିଂ ପ୍ଲାଟଫର୍ମର ଶୀକାର ହୋଇ ଭୁବନେଶ୍ୱରର ଜଣେ ବ୍ୟକ୍ତି ୬ କୋଟିରୁ ଉର୍ଦ୍ଧ୍ୱ ଟଙ୍କା ହରାଇଛନ୍ତି । ଏହି ମାମଲାରେ ଓଡ଼ିଶା ପୋଲିସର କ୍ରାଇମ ବ୍ରାଞ୍ଚ ଟିମ ଆନ୍ଧ୍ର ପ୍ରଦେଶରୁ ଉକ୍ତ ଅଭିଯୁକ୍ତକୁ ଗିରଫ କରିଛନ୍ତି । ଅଭିଯୁକ୍ତ ଜଣକ ହେଲା ଆନ୍ଧ୍ରର ଗୁଣ୍ଟୁର ଜିଲ୍ଲା ଶ୍ରୀନଗର ଅଞ୍ଚଳର ବେଦଗିରି ଶ୍ରୀନିବାସରାଓ (୩୯) । 

କ୍ରାଇମ୍ ବ୍ରାଞ୍ଚ ସାଇବର୍ ପୋଲିସର ସୂଚନା ମୁତାବକ, ୭ ମେ ୨୦୨୪ରେ ସଞ୍ଜନା ଶ୍ରୀନିବାସନ ନାମରେ ଜଣେ ମହିଳା ଫେସବୁକ ମାଧ୍ୟମରେ ଜଣେ ବ୍ୟକ୍ତିଙ୍କୁ (ଅଭିଯୋଗକାରୀ) ଯୋଗାଯୋଗ କରିଥିଲେ । ସେ ହଂକଂରେ ସଫ୍ଟୱେୟାର୍ ଡେଭ୍ଲପର୍ ଭାବରେ କାମ କରୁଛନ୍ତି କହି ଉକ୍ତ ବ୍ୟକ୍ତିଙ୍କୁ କହିଛନ୍ତି । ତାପରେ ସେ ତାଙ୍କୁ ଫୋନ୍ ଓ ହ୍ୱାଟ୍ସଆପ୍ ମାଧ୍ୟମରେ ଯୋଗାଯୋଗ କରିବାକୁ ପ୍ରବର୍ତ୍ତାଇଲେ । ତାଙ୍କ ଆଇବିଏମ ଦଳ ଡିଜିଟାଲ୍ ମୁଦ୍ରା ବିନିମୟ ପାଇଁ ଜେଫ୍ (ତଇଓୠ)ରେ ଏକ ଡାଟା ସେଣ୍ଟର ପ୍ରତିଷ୍ଠା କରୁଛି । ସେ ତାଙ୍କୁ ଜେଫ୍ ସହିତ ଟ୍ରେଡିଂ ଆକାଉଣ୍ଟ ଖୋଲିବା ଏବଂ ଟ୍ରେଡିଂ କରିବାକୁ ରାଜି କରାଇଥିଲେ । ସଞ୍ଜନା ଶ୍ରୀନିବାସନଙ୍କ ନିର୍ଦ୍ଦେଶ ଅନୁଯାୟୀ ଅଭିଯୋଗକାରୀ ବ୍ୟକ୍ତି ୨୩ ମେ ୨୦୨୪ ରୁ ୨୪ ଜୁନ୍ ୨୦୨୪ ମଧ୍ୟରେ ବିଭିନ୍ନ ଆକାଉଣ୍ଟକୁ ମୋଟ ୬ କୋଟି ୧୬ ଲକ୍ଷ ୩୭ ହଜାର ୮୪ ଟଙ୍କା ସ୍ଥାନାନ୍ତର କରିଥିଲେ। 

୩୦ ମେ ୨୦୨୪ ରେ ବ୍ୟକ୍ତିଙ୍କ ଟ୍ରେଡିଂ ଆକାଉଣ୍ଟରେ ୟୁଏସଡିଟି ୧୧,୨୯୨ ସହିତ ନେଗେଟିଭ୍ ବାଲାନ୍ସ ଦେଖାଯାଇଥିଲା । ଯେତେବେଳେ ସେ ସଞ୍ଜନାଙ୍କୁ ଏହି କଥା ଜଣାଇଲେ, ସେ କ୍ଷତି ପୂରଣ ପାଇଁ ଅଧିକ ଟଙ୍କା ବିନିଯୋଗ କରିବାକୁ ପରାମର୍ଶ ଦେଲେ। ତାପରେ ବ୍ୟକ୍ତି ଜଣକ ତାଙ୍କ ଜାଲରେ ଫସି ଫସି ଚାଲିଥିଲେ । ସେ ଟ୍ରେଡିଂ ଜାରି ରଖିଲେ ଏବଂ ତାଙ୍କ ଆକାଉଣ୍ଟରେ ଉଲ୍ଲେଖନୀୟ ଲାଭ ଦେଖାଗଲା। ଏହି ସମୟରେ ବ୍ୟକ୍ତି ଜଣକ ପ୍ରାୟତଃ ଲାଭ ଏବଂ କ୍ଷତିର ସମ୍ମୁଖୀନ ହେଉଥିଲେ ଯାହା କେବଳ ତାଙ୍କ ବ୍ୟବସାୟିକ ଆକାଉଣ୍ଟରେ ଦେଖାଯାଉଥିଲା। 

ଯେତେବେଳେ ସେ ଟଙ୍କା ଉଠାଇବାକୁ ଚାହୁଁଥିଲେ, ଜେଫ୍ ର ଗ୍ରାହକ ସେବା ତାଙ୍କୁ ବାକି ପରିମାଣର ୨୦ ପ୍ରତିଶତ ଟଙ୍କା ପୈଠ କରିବାକୁ କହିଥିଲେ । ତେଣୁ ବ୍ୟକ୍ତି ଜଣକ  ସେ ୮୯ ଲକ୍ଷ ଟଙ୍କା ଜମା କରିଥିଲେ । କିନ୍ତୁ ବିପଦ ନିୟନ୍ତ୍ରଣ ଦଳ ଏକା ଥରକରେ ତାଙ୍କ ପାଣ୍ଠି ମୁକ୍ତ କରିବାକୁ ମନା କରିଦେଇଥିଲେ। ତା’ପରେ ସେ ଅନୁଭବ କଲେ ଯେ ସେ ଅଜ୍ଞାତ ସାଇବର ଠକ, ଜେଫ୍ ଟ୍ରେଡିଂ କମ୍ପାନୀ ଏବଂ ସେମାନଙ୍କ ସହଯୋଗୀମାନଙ୍କ ଦ୍ୱାରା ସାଇବର ଷଡ଼ଯନ୍ତ୍ରର ଶିକାର ହୋଇଛନ୍ତି । ତେଣୁ ସେ ସାଇବର ଅପରାଧ ଥାନାରେ ଲିଖିତ ଅଭିଯୋଗ କରିଥିଲେ । 

କ୍ରାଇମ ବ୍ରାଞ୍ଚ ସିଆଇଡି ଇନସ୍ପେକ୍ଟର ରାଜେନ୍ଦ୍ର ଭୋଳାଙ୍କ ନେତୃତ୍ୱରେ ଏକ ଟିମ୍ ଗଠନ କରାଯାଇ ତଦନ୍ତ କରାଯାଇଥିଲା । ସିଆଇଡି ବେଦଗିରି ଶ୍ରୀନିବାସରାଓ ନାମକ ବ୍ୟକ୍ତିକୁ ଠାବ କରି ଗିରଫ କରିଥିଲା । ତା ନିକଟରୁ ମୋବାଇଲ୍ ଫୋନ୍, ସିମ୍ ଇତ୍ୟାଦି ଜବତ କରଯାଇଛି । ବ୍ରହ୍ମପୁର ଏସିଡିଜେଏମ କୋର୍ଟକୁ ସ୍ଥାନାନ୍ତର କରାଯାଇଛି । 

ଏହି ମାମଲାରେ ପୋଲିସ ୭ ଜଣଙ୍କୁ ଗିରଫ କରିଛି । ଗୁଜରାଟ ସୁରଟରୁ ୬ ଜଣ ଏବଂ ପଞ୍ଜାବ ଲୁଧିଆନାରୁ ଜଣକୁ ଗିରଫ କରାଯାଇଛି ।