ନବରଙ୍ଗପୁର: ଆଜିଠାରୁ ପିଏମ୍ ପୋଷଣା ଯୋଜନା ଅଧୀନରେ ନବମ ଏବଂ ଦଶମ ପିଲାଙ୍କୁ ଦିଆଯାଇଛି ମଧ୍ୟାହ୍ନ ଭୋଜନ । ସପ୍ତାହକୁ ତିନି ଥର ପୋଷଣ ଯୁକ୍ତ ମାଣ୍ଡିଆ ଲଡ଼ୁ ସହିତ ତିନୋଟି ଅଣ୍ଡା ମଧ୍ୟ ଦିଆଯିବ । ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ ନିଜେ ପିଲାଙ୍କୁ ଖାଦ୍ୟ ପରଷିବା ସହିତ ପିଲାଙ୍କ ସହିତ ବସି ମଧ୍ୟାହ୍ନ ଭୋଜନ ଖାଇଛନ୍ତି । 

ରାଜ୍ୟ ସରକାରଙ୍କ ଘୋଷଣା ମୁତାବକ ଏପ୍ରିଲ ପହିଲାରୁ ନବମ ଓ ଦଶମ ପିଲାଙ୍କୁ ମଧ୍ୟାହ୍ନ ଭୋଜନ ଦିଆଯାଇଛି । ନବରଙ୍ଗପୁର ଜିଲ୍ଲା ସଦରଠାରେ ଥିବା ମ୍ୟୁନସିପାଲଟି ବିଦ୍ୟାଳୟରେ ବିଧାୟକ ଗୌରୀ ଶଙ୍କର ମାଝୀ ନିଜେ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ମଧ୍ୟାହ୍ନ ଭୋଜନ ବାଣ୍ଟିବା ସହିତ ନିଜେ ପିଲାଙ୍କ ସହିତ ବସି ଖାଇଛନ୍ତି । ଏ ନେଇ ବିଧାୟକ କହିଛନ୍ତି ଯେ ସେ ଗରିବ ପରିବାରରୁ ପାଠ ପଢିବା ଆରମ୍ଭ କରିଥିଲେ ,ଭୋକ କଣ ସେ ଜାଣିଛନ୍ତି ଏଣୁ ଆଜି ସରକାରଙ୍କ ତରଫରୁ ଯେଉଁ ପଦକ୍ଷେପ ନିଆଯାଇଛି ତାହା ଅତ୍ୟନ୍ତ ସ୍ୱାଗତ ଯୋଗ୍ୟ, ଏଥିପାଇଁ ସେ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ସେହିପରି ଛାତ୍ରଛାତ୍ରୀଙ୍କ ମହଲରେ ମଧ୍ୟରେ ଖୁସିର ଲହିର ଖେଳିଯାଇଛି ।  

ପୂର୍ବରୁ ନବମ ଓ ଦଶମ ପିଲାଙ୍କ ପାଇଁ ମଧ୍ୟାହ୍ନ ଭୋଜନର ବ୍ୟବସ୍ଥା ନ ଥିଲା । ମାତ୍ର ବିଜେପି ସରକାର ଆସିବା ପରେ ନବମ ଓ ଦଶମ ଶ୍ରେଣୀ ପାଇଁ ମଧ୍ୟ ମଧ୍ୟାହ୍ନ ଭୋଜନ ଘୋଷଣା କରିଥିଲେ । । ଏହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଖୁସିର ଲହରି ଖେଳିଯାଇଛି । ସମସ୍ତ ଛାତ୍ରଛାତ୍ରୀ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ନିଜେ ବିଧାୟକ ଛାତ୍ରଛାତ୍ରୀମାନଙ୍କୁ ଖାଦ୍ୟ ପରସିବା ସହିତ ପିଲାଙ୍କ ସହିତ ବସି ମଧ୍ୟାହ୍ନ ଭୋଜନ ଖାଇଥିଲେ ।