ସାଲେପୁର: କଟକ ଜିଲ୍ଲା ମାହାଙ୍ଗା ବ୍ଲକର କର୍ମଚାରୀଙ୍କର ଜୁଲାଇ ମାସର ଦରମା ବନ୍ଦ କରାଯାଇଛି । କଟକ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଦରକମା ବନ୍ଦ କରାଯାଇଛି । ଲଗାଣ ବର୍ଷାକୁ ଲକ୍ଷ୍ୟ କରି ସମସ୍ତଙ୍କ ଛୁଟି ବାତିଲ ଥିଲା ଏମରଜେନ୍ସିରେ ଅଫିସ ନଆସିବାରୁ ଅଭିଯୋଗ ପରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

ଗତ ୨୬ ତାରିଖ ଶନିବାର ପ୍ରବଳ ବର୍ଷା ପାଇଁ କର୍ମଚାରୀଙ୍କ ଛୁଟି ବାତିଲ କରାଯାଇଥିଲା । କିନ୍ତୁ ୪ର୍ଥ ଶନିବାର ଦର୍ଶାଇ କର୍ମଚାରୀମାନେ କାର୍ଯ୍ୟାଳୟକୁ ଆସି ନ ଥିଲେ। ଏ ସମ୍ପର୍କରେ ଜିଲାପାଳଙ୍କ ନିକଟରେ ଅଭିଯୋଗ ହୋଇଥିଲା। ଜୁଲାଇ ମାସର ଦରମା ବନ୍ଦ ପାଇଁ ବିଡ଼ିଓଙ୍କୁ ଚିଠି କରିଥିଲେ ପ୍ରକଳ୍ପ ନିର୍ଦେଶକ । ଜିଲାପାଳ ଏହି ଘଟଣାରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସ୍ଵରୂପ କର୍ମଚାରୀମାନଙ୍କର ଜୁଲାଇ ମାସର ଦରମା ବନ୍ଦ କରିଥିବା ସୂଚନା ମିଳିଛି।