ଭୁବନେଶ୍ୱର : ବିଧାନସଭାରେ ଯୋଗାଣ ମନ୍ତ୍ରୀଙ୍କ ବଡ ସୂଚନା ଏଣିକି ମାଗଣା ଚାଉଳ ସାଙ୍ଗକୁ ଗହମ ମଧ୍ୟ ପାଇବେ ହିତାଧିକାରୀ । ପୂର୍ବରୁ ରାସନ କାର୍ଡଧାରୀଙ୍କୁ ରାସନକାର୍ଡରେ କେବଳ ଚାଉଳ ମିଳୁଥିଲା, ବର୍ତ୍ତମାନ  ସରକାର ପୁଣି ଗହମ ଦେବେ ।  ପୂର୍ବରୁ ଗହମ ଯୋଗାଣ ବନ୍ଦ ଥିବା ବେଳେ ହିତାଧିକାରୀଙ୍କୁ ଗହମ ଯୋଗାଇବାକୁ ନିଷ୍ପତ୍ତି ନେଇଛନ୍ତି ସରକାର । କେନ୍ଦ୍ରମନ୍ତ୍ରୀଙ୍କ ସହ ଆଲୋଚନା ପରେ ପ୍ରଥମ ପର୍ଯ୍ୟାୟ ଗହମ ପହଞ୍ଚିଛି । କିନ୍ତୁ ଗହମ ରଖିବା ପାଇଁ ଗୋଦାମ ବ୍ୟବସ୍ଥା ଓ ପରିବହନ ବ୍ୟବସ୍ଥା ସୁବିଧା ନଥିବାରୁ ଏପର୍ଯ୍ୟନ୍ତ ଗହମ ଯୋଗା ଯାଇ ପାରିନାହିଁ ବୋଲି କହିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର। 

ତେବେ କେବେ ଠାରୁ ଗହମ ମିଳିବ, କେତେ ଚାଉଳ କେତେ ଗହମ ମିଳିବ ବୋଲି  ବିଜେଡି ବିଧାୟକ ଗୌତମ ବୁଦ୍ଧ ଦାସ ଗୃହରେ ପ୍ରଶ୍ନ କରିଥିଲେ । ତାଙ୍କ ପ୍ରଶ୍ନର ଉତ୍ତରରେ କିନ୍ତୁ କେବେଠାରୁ ଗହମ ମିଳିବ, କେତେ ଅନୁପାତରେ ମିଳିବ ସେ ନେଇ କୌଣସି ସ୍ପଷ୍ଟ ଉତ୍ତର ରଖି ନାହାନ୍ତି ମନ୍ତ୍ରୀ । ମନ୍ତ୍ରୀ କହିଛନ୍ତି, ସରକାର ପ୍ରତିଶ୍ରୁତି ଦେଇଛନ୍ତି ପ୍ରତିଶ୍ରୁତି ରଖିବେ । ପୂର୍ବରୁ ଗହମ ମିଳୁଥିଲା ହେଲେ ବିଜେଡି ସରକାର ସମୟରେ ଗହମ ବନ୍ଦ କରିବାକୁ ଚିଠି ପରେ ଗହମ ଯୋଗାଣ ବନ୍ଦ ରହିଛି । ପ୍ରତି ପଞ୍ଚାୟତରେ ପୋଷଣ କେନ୍ଦ୍ର ହେବ । ଚାଉଳ, ଡାଲି, ଚିନି, ତେଲ ସବସିଡି ଦରରେ ଯୋଗାଇ ଦେବେ ରାଜ୍ଯ ସରକାର । ମାସେ ଦୁଇ ମାସ ମଧ୍ୟରେ ବ୍ୟବସ୍ଥା କରାଯିବ ବୋଲି  ଯୋଗାଣ ମନ୍ତ୍ରୀ କହିଛନ୍ତି ।