ସମୂହ ଛୁଟିରେ ପ୍ରାଣୀ ଚିକିତ୍ସକ, ବଢୁଛି ପଶୁପାଳକଙ୍କ ଦୁର୍ଦ୍ଦଶା ।  ପ୍ରାଣୀ ଚିକିତ୍ସକଙ୍କ ସହ ସରକାରଙ୍କ ଆଲୋଚନା ବିଫଳ ହୋଇଛି। ପ୍ରାଣୀ ଚିକିତ୍ସକଙ୍କ ଆନ୍ଦୋଳନ ପାଇଁ ପଶୁପାଳକଙ୍କ ଦୁର୍ଦ୍ଦଶା ବଢିଚାଲିଛି । ଗତ ଜାନୁଆରୀ ୧୮ ତାରିଖରୁ ଚାରି ଦଫା ଦାବିରେ ଆନ୍ଦୋଳନ କରୁଛନ୍ତି ଚାରି ଦଫା ଦାବି। ସରକାରଙ୍କ ନିକଟରେ ଦୀର୍ଘଦିନ ଧରି ଆନ୍ଦୋଳନ କରୁଥିବା ସତ୍ତ୍ୱେ ମଧ୍ୟ କର୍ଣ୍ଣପାତ କରୁନାହାନ୍ତି ରାଜ୍ୟ ସରକାର । ଯାହାଫଳରେ ସମୂହ ଛୁଟିରେ ରହିଛନ୍ତି ପ୍ରାଣୀ ଚିକିତ୍ସକ। ଏଥିପାଇଁ ପଶୁପାଳକମାନଙ୍କୁ ନାହିଁ ନଥିବା ଦୁର୍ଦ୍ଦଶା ଭୋଗିବାକୁ ପଡୁଛି ।

ତେବେ ଏହାର ସମାଧାନ ପାଇଁ ଲୋକସେବା ଭବନ ପରିସରରେ ସରକାରଙ୍କ ସହ ଓଡ଼ିଶା ପ୍ରାଣୀ ଚିକିତ୍ସା ସେବା ସଂଘର କର୍ମକର୍ତ୍ତାଙ୍କର ଏକ ବୈଠକ ଅନୁଷ୍ଠିତ ହୋଇଥିଲା । ସେହି ବୈଠକରେ ପ୍ରାଣୀ ଚିକିତ୍ସକମାନେ ସମସ୍ତ ଦାବି ରଖିଥିଲେ ।କିନ୍ତୁ ସରକାର କୌଣସି ନିର୍ଣ୍ଣାୟକ ନିଷ୍ପତ୍ତି ନେଇନାହାନ୍ତି ବୋଲି ସଂଘ ପକ୍ଷରୁ କୁହାଯାଇଛି । ନିଶୁଳ୍କ ଚିକିତ୍ସା, ବିଶେଷଜ୍ଞ ଚିକିତ୍ସା, ୨୪ ଘଣ୍ଟିଆ ସେବା ଯୋଗାଇ ଦେବା ଭଳି ବ୍ୟବସ୍ଥା କରିବାକୁ ସଂଘ ଦାବି କରି ଆସୁଛି । 

ଏହା ସହିତ ଓଡ଼ିଶାରେ ପ୍ରାଣୀ ଚିକିତ୍ସକ ମାନଙ୍କୁ କେନ୍ଦ୍ରୀୟ ହାରରେ ପଦୋନ୍ନତି ସୁବିଧା (ଡିଏସିପି), ନନ୍ ପ୍ରାକ୍ଟିସିଂ ଭତ୍ତା (ଏନ ପି ଏ) ଓ କ୍ୟାଡ଼ର ପୁନର୍ଗଠନ ପାଇଁ ମଧ୍ୟ ସଂଘ ସରକାରଙ୍କ ନିକଟରେ ବାରମ୍ବାର ଦାବି ଜଣାଇଆସୁଛି । କିନ୍ତୁ ରାଜ୍ୟ ସରକାର ଏଥିପ୍ରତି କୌଣସି ଧ୍ୟାନ ଦେଉନାହାନ୍ତି । ଏପର୍ଯ୍ୟନ୍ତ ମଧ୍ୟ ସରକାର କୌଣସି ପଦକ୍ଷେପ ନେଉନାହାନ୍ତି । ଯାହାଫଳରେ ପଶୁପାଳକଙ୍କ ଦୁର୍ଦ୍ଦଶା ବଢୁଛି । 

ଅଧିକ ପଢନ୍ତୁ :ଚିତାବାଘ ଛାଲ ସହିତ ଶିକାରୀ ଗିରଫ