ଗତ କିଛି ଦିନ ଧରି ଆତଙ୍କ ଖେଳାଇଛି ମହାବଳ ବାଘ । ରାୟଗଡା ଜିଲ୍ଲା ଗୁଣୁପୁର ଗଜପତି ସୀମାନ୍ତରେ ନିର୍ଭୟରେ ବୁଲୁଛି ମହାବଳ । ସେଠାରେ ଥିବା ସ୍ଥାନୀୟ ଲୋକେ ଭୟବିତ ହୋଇ ପଡ଼ିଥିବା ବେଳେ ବନବିଭାଗ ପକ୍ଷରୁ ବିଭିନ୍ନ ସ୍ଥାନରେ ଲଗାଯାଇଥିବା ଟ୍ରାପ କ୍ୟାମେରାରେ କଏଦ ହୋଇଛି ବାଘର ଫଟୋ । ସୂଚନା ଅନୁଯାୟୀ, ଗତ କାଲି ସନ୍ଧ୍ୟାରେ ବାଘଟି ଗଜପତି ଜିଲ୍ଲା ସୀମାନ୍ତ ଅତିକ୍ରମ କରି ରାୟଗଡା ସୀମାରେ ପ୍ରବେଶ କରିଥିବାର ସନ୍ଦେହ କରିଛି ଗଜପତି ବନ ବିଭାଗ । ଏହାପରେ ସେହି ସୀମାନ୍ତରେ ଥିବା ଗ୍ରାମ ଗୁଡିକର ଲୋକଙ୍କୁ ସତର୍କ ରହିବାକୁ ଡାକବାଜି ଯନ୍ତ୍ର ମାଧ୍ୟମରେ ସୂଚନା ଦେଇଛି ବନ ବିଭାଗ । ଏହାସହ ଗ୍ରାମବାସୀମାନେ ପାଳୁଥିବା ପଶୁପକ୍ଷୀଙ୍କୁ ଜଙ୍ଗଲରେ ନ ଛାଡିବାକୁ କୁହାଯାଇଛି ।