ଅଳ୍ପକେ ବର୍ତ୍ତିଲେ ବଲାଙ୍ଗୀର ସହରବାସୀ। ପୁଣି ବଲାଙ୍ଗୀରରେ ୨୦୧୯ ଘଟଣାର ପୁନରାବୃତ୍ତି ଘଟିଥାନ୍ତା। ଠିକ୍ ସମୟରେ ପହଞ୍ଚି ଉପଯୁକ୍ତ ପଦକ୍ଷେପ ନେଲେ ପୌରାଧ୍ୟକ୍ଷା ଲିକା ସାହୁ। ଗତ ଦୁଇଦିନର ଲଗାଣ ବର୍ଷାରେ ବଲାଙ୍ଗୀର ସହର ଦେଇ ଯାଇଥିବା ଲକ୍ଷ୍ମୀ ଯୋର ଫୁଲି ଉଠିଛି। ତେବେ ଜଳ ନିଷ୍କାସନ ପାଇଁ ପଥ ବନ୍ଦ ଥିବାରୁ ପାଣି ବାହାରକୁ ବାହାରି ପାରୁନାହିଁ କିନ୍ତୁ ପୌରାଧ୍ୟକ୍ଷା ଲୀକା ସାହୁ ସଠିକ୍ ସମୟରେ ପହଞ୍ଚି ଜଳ ନିଷ୍କାସନ ପାଇଁ ଗେଟ୍ ଖୋଲିବାକୁ କହିବା ସହିତ ସହରବାସୀଙ୍କୁ ଏକ ବଡ଼ ବିପତ୍ତିରୁ ରକ୍ଷା କରିଛନ୍ତି। 

ସୂଚନା ଅନୁସାରେ, ଗତ ଚାରି ପାଞ୍ଚ ବର୍ଷ ହେବ ଲକ୍ଷ୍ମୀ ଜୋର୍ ରେ ତ୍ରୁଟିପୂର୍ଣ୍ଣ କାମ ଯୋଗୁଁ ବର୍ଷାଜଳ ନିଷ୍କାସନ ପାଇଁ ଅସୁବିଧା ସୃଷ୍ଟି ହେଉଛି। ଫଳସ୍ୱରୁପ ଲକ୍ଷ୍ମି ଯୋର କୂଳରେ ବସବାସ କରୁଥିବା ଲୋକମାନଙ୍କର ଘରେ ପାଣି ପଶିବା ସହିତ ସେଠାରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହେଉଛି। ଗତ ୨୦୧୯ ମସିହାରେ ବଲାଙ୍ଗୀର ସହରରେ ଠିକ୍ ଏଭଳି ଏକ ପରିସ୍ଥିତି ସୃଷ୍ଟି ହୋଇଥିଲା। ସେ ଦୁଃଖଦ ଚିତ୍ର ଆଜିବି ଲୋକଙ୍କ ମନରୁ ଲିଭିନି। ସେହିଭଳି ଏକ ଘଟଣା ପୁଣି ଘଟିବାକୁ ଯାଉଥିବା ବେଳେ ଅଳ୍ପକେ ରକ୍ଷା ପାଇଛନ୍ତି ସହରବାସୀ। 

ବୁଧବାର ଠାରୁ ସହରରେ ତୁହାକୁ ତୁହା ବର୍ଷା ଯୋଗୁଁ ଲକ୍ଷ୍ମି ଯୋର ଫୁଲି ଉଠି ଥିବା ସହିତ ସହରର କିଛି ସ୍ଥାନରେ ପାଣି ପଶିଥିବାଖବର ପାଇ ତୁରନ୍ତ ସେଠାରେ ପହଞ୍ଚିଥିଲେ ପୌରଧ୍ୟକ୍ଷା ଲିକା ସାହୁ। ସଙ୍ଗେସଙ୍ଗେ ଜିଲ୍ଲା ପ୍ରଶାସନ ଏବଂ ପୋଲିସ ପ୍ରଶାସନକୁ ଖବର ଦେଇଥିଲା। ଏହାପରେ  ଯଥା ଶୀଘ୍ର ଲକ୍ଷ୍ମୀ ଜୋର୍ ରେ ବନ୍ଦ ଥିବା ଗେଟ୍ ଖୋଲିବାକୁ ନିର୍ଦ୍ଧେଶ ଦେଇଥିଲେ। ଯାହାଫଳରେ ଜଳ ନିଷ୍କାସନ ଏବେ ନିୟନ୍ତ୍ରଣ ରେ ରହିଥିବା କୁହାଯାଉଛି। ଲୀଳା ସାହୁଙ୍କ ଏଭଳି କାର୍ଯ୍ୟଦକ୍ଷତା ପାଇଁ ତାଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଉଛି ।