ବୌଦ୍ଧ : ଶୁକ୍ରବାର ବୌଦ୍ଧ ଜିଲ୍ଲା କଂଗ୍ରେସ କାର୍ଯ୍ୟାଳୟ ଠାରେ ପୂର୍ବତନ ପ୍ରଧାନମନ୍ତ୍ରୀ ତଥା ବିଶିଷ୍ଟ ଅର୍ଥ ନୀତିଜ୍ଞ ଡକ୍ଟର ମନମୋହନ ସିଂଙ୍କୁ ଜିଲ୍ଲା କଂଗ୍ରେସ ତରଫରୁ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ପ୍ରଥମେ ଉପସ୍ଥିତ କର୍ମକର୍ତ୍ତା ଶ୍ରୀଯୁକ୍ତ ମନମୋହନ ସିଂଙ୍କ ଅମର ଆତ୍ମାର ସତ୍ ଗତି ସକାଶେ ଭଗବାନଙ୍କୁ ପ୍ରାର୍ଥନା କରି ଦୁଇ ମିନିଟ୍ ନିରବ ପ୍ରାର୍ଥନା କରିଥିଲେ ପରେ ଶ୍ରୀଯୁକ୍ତ ମନମୋହନ ସିଂଙ୍କ ସ୍ମୃତି ଚାରଣ କରିବା ଅବସରରେ ଉପସ୍ଥିତ ସଭ୍ୟ ମାନେ ଡକ୍ଟର ସିଂଙ୍କ ପ୍ରଧାନମନ୍ତ୍ରୀ ଥିବା ସମୟରେ ଅର୍ଥନୈତିକ ଉଦାରୀକରଣ, ଗ୍ରାମାଞ୍ଚଳ ଗରିବ ଶ୍ରମିକ ମାନଙ୍କ ସକାଶେ ମନରେଗା ଯୋଜନା, ସୂଚନା ଅଧିକାର ଆଇନ୍, ଖାଦ୍ୟ ସୁରକ୍ଷା ଆଇନ୍ ଭଳି ବିଭିନ୍ନ ଐତିହାସିକ ପଦକ୍ଷେପକୁ ପ୍ରଶଂସା କରିଥିଲେ ।

ଏହି କାର୍ଯ୍ୟକ୍ରମରେ ବୌଦ୍ଧ ଜିଲ୍ଲା କଂଗ୍ରେସ ସଭାପତି ନବ କୁମାର ମିଶ୍ର, ଜିଲ୍ଲା କଂଗ୍ରେସ ମୁଖ୍ୟ ମୁଖପାତ୍ର ଶାନ୍ତନୁ କୁମାର ମହାପାତ୍ର, ହରଭଙ୍ଗl ବ୍ଲକ୍ କଂଗ୍ରେସ ସଭାପତି ପଙ୍କଜ୍ କର୍ଣ୍ଣ, ଜିଲ୍ଲା ମିଡ଼ିଆ ପ୍ରଭାରୀ ପ୍ରତାପ ପଣ୍ଡା, ମହିଳା କଂଗ୍ରେସର ସନ୍ଧ୍ୟା ରାଣୀ ସିଂ, ପ୍ରଭାତୀ ବେହେରା, କୃଷକ ମୋର୍ଚ୍ଚା ମୁଖ୍ୟ ରୋହିତlସ୍ୱ ବେହେରା, ବୁଦ୍ଧଦେବ ପ୍ରଧାନ, ବେଣୁଧର ମେହେର , ଜିତେନ୍ଦ୍ର ଦେହୁରୀ, ଅଭିଳାଷ ସ୍ୱାଇଁ, ପ୍ରଦୀପ ଦାସ୍, ସତ୍ୟ ନାରାୟଣ ବେହେରା, ମହମ୍ମଦ ଗୁଲଜାର ପ୍ରମୁଖ ଉପସ୍ଥିତ ଥିଲେ l