ରୁଙ୍କୁଣା ରଥଯାତ୍ରା ପାଇଁ ବସିଲା ବୈଠକ । ଆସନ୍ତା ଏପ୍ରିଲ 16 ତାରିଖରେ ଅନୁଷ୍ଠିତ ହେବ ଅଶୋକାଷ୍ଟମୀ ରଥଯାତ୍ରା । ଏହି ଯାତ୍ରା ଏବଂ ଯାତ୍ରାର ଶାନ୍ତି ଶୃଙ୍ଖଳା ପାଇଁ ବସିଲା ସମନ୍ବୟ ବୈଠକ । ଖୋର୍ଦ୍ଧା ଖୋର୍ଦ୍ଧା ଜିଲ୍ଲାପାଳଙ୍କ ଅଧ୍ୟକ୍ଷତାରେ ସର୍କିଟ ହାଉସରେ ଏହି ବୈଠକ ଅନୁଷ୍ଠିତ ହୋଇଯାଇଛି । ପୂର୍ବ ବର୍ଷ ପରି ଚଳିତ ବର୍ଷର ରଥଯାତ୍ରା ଓ ବାହୁଡା ଯାତ୍ରା ପାରମ୍ପରିକ ଭାବେ ଶାନ୍ତିଶୃଙ୍ଖଳା ଓ ଆନନ୍ଦ ଉଲ୍ଲାସର ସହିତ କିଭଳି ପାଳନ କରାଯିବ ସେ ନେଇ ଏହି ବୈଠକରେ ଆଲୋଚନା କରାଯାଇଥିବା ଆଲୋଚନା କରାଯାଇଛି ।

ସେହିଭଳି ଆଜିର ବୈଠକରେ ଚାରି ନିଯୋଗ ଯେପରିକି ବ୍ରାହ୍ମଣ ନିଯୋଗ, ପୂଜା ପଣ୍ଡା ନିଯୋଗ ,ବଡୁ ନିଯୋଗ ସହଡାହୁକ ତଥା କାଳିସୀ ସେବାୟତ, ପାଳିଆ ମହାରଣା ସେବାୟତ ଓ ମନ୍ଦିର ପ୍ରଶାସନ ପ୍ରମୁଖ ଏହି ବୈଠକରେ ଯୋଗ ଦେଇ ସହଯୋଗ କରିବା ସାଙ୍ଗକୁ ସୁପରିଚାଳନା ପାଇଁ ଆଲୋଚନା କରି ସହମତି ଜଣାଇଛନ୍ତି । ମହାପ୍ରଭୁ ଲିଙ୍ଗରାଜଙ୍କ ରୁକୁଣା ରଥ ଯାତ୍ରାରେ ୫ ଦିନର ମାଉସୀ ମା' ଘରେ ରହିବା ପରେ ବାହୁଡା ଯାତ୍ରାରେ ଏପ୍ରିଲ ୨୦ ତାରିଖ ଶନିବାର ଦିନ ପୁଣି ଘର ବାହୁଡା ହେବେ ବୋଲି ସୂଚନା ମିଳିଛି । ତେବେ ରୁଙ୍କୁଣା ରଥଯାତ୍ରା ପାଇଁ ସମସ୍ତ ବ୍ୟବସ୍ଥା ସରିଗଲାଣି । 

ଅଧିକା ପଢନ୍ତୁ :ଦଣ୍ଡ ଯାତ୍ରା ପାଇଁ ଚଳଚଞ୍ଚଳ ଫୁଲବାଣୀ