ଟ୍ରେନ ଦୁର୍ଘଟଣାରେ ଜଣେ ମୃତ ଆଉ ଜଣେ ଗୁରୁତର ।  ଭୁବନେଶ୍ୱର ଭିଏସ୍ଏସ୍ ନଗର ପୁରୁଷୋତ୍ତମ ବସ୍ତି ନିକଟରେ ଗତକାଲି ରାତିରେ ଟ୍ରେନ ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଥିଲେ ଓ ଆଉ ଜଣେ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।

ମୃତକ ଜଣକ ହେଲେ ପୁରୁଷୋତ୍ତମ ବସ୍ତିର ସୁରେଶ ରେଡ୍ଡୀ । ବୟସ ୩୭ ବର୍ଷ ବୋଲି ଜଣାପଡିଛି । କିନ୍ତୁ ଏପର୍ଯ୍ୟନ୍ତ ଆହତ ହୋଇଥିବା ବ୍ୟକ୍ତିଙ୍କର ପରିଚୟ ମିଳିପାରିନାହିଁ  । ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା । ସୂଚନା ଅନୁସାରେ ରାତି ପ୍ରାୟ ୯ଟା ସମୟରେ ଏହି ଦୁଇ ଜଣ ଟ୍ରାକ୍ ଉପରେ ବସି ଖଟି କରୁଥିଲେ । ଏହି ସମୟରେ ଏକ ଟ୍ରେନ ଚାଲି ଆସିବାରୁ ଏଥିରେ ମାଡ଼ ହୋଇ ସୁରେଶଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା। ସେହିଭଳି ଆହତ ହୋଇଥିବା ବ୍ୟକ୍ତି ଜଣଙ୍କ ରେଳଧାରଣା ଉପରେ  ପାର ହେଉଥିବାବେଳେ ଆଉ ଏକ ଟ୍ରେନ୍ ତାଙ୍କୁ ଧକ୍କା ଦେଇଥିବାର ସୂଚନା ମିଳିଛି । ଆହତ ଜଣଙ୍କୁ ଏକ ଘରୋଇ ହସ୍ପିଟାଲରେ ଚିକିତ୍ସା କରାଯାଉଥିବାର  ଜଣାପଡ଼ିଛି । 

ଆଗକୁ ପଢନ୍ତୁ :-  ଗୋଟିଏ ଗାଁରୁ ଠାବ ହେଲା ଦୁଇଟି ମୃତଦେହ