ଆଜିଠୁ ରାଜଧାନୀରେ ଔଷଧର ହୋମ ଡେଲିଭରୀ ଆରମ୍ଭ, ଘରେ ବସି ଅର୍ଡର କଲେ ମିଳିବ ଔଷଧ
Khabar Odisha:Medicine-home-delivery-from-today-in-bbsr
ଭୁବନେଶ୍ୱର, ଏପ୍ରିଲ ୦୯ (ଖବର ଓଡ଼ିଶା):

ରାଜଧାନୀରେ ଔଷଧର ହୋମ ଡେଲିଭରୀ ବ୍ୟବସ୍ଥା । ଘରେ ବସି ଅର୍ଡର କଲେ ମିଳିବ ଔଷଧ। ରାଜ୍ୟରେ କରୋନା ଭାଇରସ ସଂକ୍ରମଣ ରୋକିବାକୁ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ପକ୍ଷରୁ ଏହି ବ୍ୟବସ୍ଥା କରାଯାଇଛି ।
ଭୁବନେଶ୍ୱର ମହାନଗର ନିଗମ(ବିଏମ୍‌ସି) ପକ୍ଷରୁ ରାଜଧାନୀ ଭୁବନେଶ୍ୱରରେ ୧୨୧ଟି ନୂଆ ଔଷଧ ଦୋକାନ ଚିହ୍ନଟ କରାଯାଇଛି । ଅନ୍‌ଲାଇନ୍‌ରେ ବୁକିଂ କଲେ ଔଷଧ ଘରେ ପହଞ୍ଚିବ । ପ୍ରତି ଥାନା ଅଧୀନରେ ଅତିକମ୍‌ରେ ୬ଟି ଔଷଧ ଦୋକାନ ସାମିଲ୍ କରାଯାଇଛି । ଆଜି ଠାରୁ ଏହି ଔଷଧ ହୋମ ଡେଲିଭରୀ ସୁବିଧା ମିଳିବା ନେଇ ବିଏମ୍‌ସି ପକ୍ଷରୁ ସୂଚନା ଦିଆଯାଇଛି।
ଓଡ଼ିଶାରେ ‘କରୋନା’ରେ ବର୍ତ୍ତମାନ ସୁଦ୍ଧା ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଥିବା ବେଳେ ୪୨ରୁ ଅଧିକ ଲୋକ ଆକ୍ରାନ୍ତ ହୋଇଛନ୍ତି। ଏହାଛଡ଼ା ଅନେକ କ୍ୱାରେଣ୍ଟାଇନ୍‌ରେ ଅଛନ୍ତି । କରୋନା ଆକ୍ରାନ୍ତଙ୍କ ମଧ୍ୟରୁ ଭୁବନେଶ୍ୱରରୁ ଅଧିକାଂଶ ରହିଛନ୍ତି । ତେବେ କରୋନା ସଂକ୍ରମଣ ରୋକିବାକୁ ବିଏମ୍‌ସି ରାଜଧାନୀରେ ୫ଟି ଜାଗାକୁ ସିଲ୍ କରି ସାନିଟାଇଜ୍ କରୁଛି। ତେବେ ଏପରିସ୍ଥିତିରେ ଔଷଧ ପାଇଁ ଲୋକେ ବିଭିନ୍ନ ପ୍ରକାର ଅସୁବିଧାରେ ପଡୁଛନ୍ତି । ଏହାର ସ୍ଥାୟୀ ପ୍ରତିକାର କରିବା ପାଇଁ ବିଏମ୍‌ସି ଅନ୍‌ଲାଇନ୍‌ରେ ଔଷଧ ମଗାଇବାରେ ବ୍ୟବସ୍ଥା କରିଛନ୍ତି । ଅନ୍‌ଲାଇନ୍‌ରେ ଅର୍ଡର କଲେ ଘରେ ପହଞ୍ଚିବ ଔଷଧ।

  • Tags:

Subscribe

National International State Sports Entertainment