କଟକ ତାରାଚାନ୍ଦପାଟଣା ରେ ଅଗ୍ନିକାଣ୍ଡ । ଗ୍ୟାସ ସିଲିଣ୍ଡର ଲିକ୍ ଯୋଗୁଁ ଲାଗିଲା ନିଆଁ । ରୋଷେଇ କଲାବେଳେ ହଠାତ୍ ଲାଗିଯାଇଥିଲା ନିଆଁ । ଗୁରୁବାର ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଗ୍ୟାସ ଲିକ ରୁ ହୋଇଥିବା ଜଣାପଡ଼ିଛି । ସୂଚନା ଅନୁଯାୟୀ, କଟକ ପିଠାପୁର ସ୍ଥିତ ଅଲେଖ ଚନ୍ଦ୍ର ସାହୁଙ୍କ ଘରେ ଘଟିଛି ଏଭଳି ଏକ ଅଭାବନୀୟ ଘଟଣା । ଏହି ଘଟଣାରେ ତିନି ଜଣ ଆହତ ହୋଇଥିବା ଜଣାପଡିଛି । 2ଜଣ ମହିଳା ବାସନ୍ତୀ ସ୍ୱାଇଁ ଏବଂ ବାସନ୍ତୀ ମହାନ୍ତି ଓ ଜଣେ 18 ବର୍ଷ ର ଝିଅ ବର୍ଷା ମହାନ୍ତି ଥିବାର ସୂଚନା ମିଳିଛି। 

ସୂଚନା ମୁତାବକ ଅଲେଖ ନିଜ ଘରେ ଭୋର୍ ୪ଟା ସମୟରେ ଜଳଖିଆ ଦୋକାନ ପାଇଁ ଜଳଖିଆ ପ୍ରସ୍ତୁତ କରୁଥିବା ବେଳେ ଏପରି ଅଘଟଣ ଘଟିଛି । ରୋଷେଇ ଚାଲିଥିବା ବେଳେ ଗ୍ୟାସ୍ ଲିକ୍ ହୋଇ ହଠାତ୍ ନିଆଁ ଲାଗି ଯାଇଥିଲା । ଏହାର ସୂଚନା ପାଇ ବକ୍ସି ବଜାର ଅଗ୍ନିଶମ ବାହିନୀର ଟିମ୍ ଘଟଣାସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରିଥିବା ବେଳେ ଆହତଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରିଛନ୍ତି ।