ଭାରସାମ୍ୟ ହରାଇ ଗଛରେ ପିଟିହୋଇ ରାସ୍ତା କଡ଼କୁ ଓଲଟିଲା ବୋଲେରୋ । ଦୁର୍ଘଟଣାରେ ଚାଲିଗଲା ଗାଡ଼ି ଚାଳକଙ୍କ ଜୀବନ । ସୂଚନା ଅନୁସାରେ, ରବିବାର ସୁନ୍ଦରଗଡ ଜିଲ୍ଲା ବଣାଇରେ ଘଟିଛି ଦୁର୍ଘଟଣା । ରବିବାର ଜଣେ ଯୁବକ ବଣାଇରେ ହେଉଥିବା ଚୈତ୍ର ମେଳା ଦେଖି ରାତିରେ ବୋଲେରୋ ଯୋଗେ ଘରକୁ ଫେରୁଥିବା ସମୟରେ ଭାରସାମ୍ୟ ହରାଇ ଗଛରେ ପିଟିହୋଇ  ରାସ୍ତା କଡ଼କୁ ଓଲଟିଲା ବୋଲେରୋ ।

ସ୍ଥାନୀୟ ଲୋକେ, ଦୁର୍ଘଟଣାର ଶବ୍ଦ ଶୁଣି ଘଟଣାସ୍ଥଳରେ ପହଞ୍ଚିଥିଲେ । ପରେ ଘଟଣାସ୍ଥଳରୁ ଗାଡ଼ି ଚାଳକଙ୍କୁ ଉଦ୍ଧାର କରିଥିଲେ । ଉଦ୍ଧାର ପରେ ଚିକିତ୍ସା ପାଇଁ ତାଙ୍କୁ ଆମ୍ବୁଲାନ୍ସ ଯୋଗେ ବଣାଇ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ସେଠା​‌ରେ ତାଙ୍କୁ ମୃତ ବୋଲି କହିଥିଲେ । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ଗାଡ଼ିକୁ ଜବତ କରିବା ସହିତ ଘଟଣାର ତଦନ୍ତ କରିଥିଲା । ମୃତ ଚାଳକଙ୍କ ପରିଚୟ ମିଳିଥିବା ସୂଚନା ମିଳିଛି ।

ଆଗକୁ ପଢ଼ନ୍ତୁ : ଟ୍ରେନ ଲାଇନରୁ ଯୁବକଙ୍କ ମୃତଦେହ ଉଦ୍ଧାର