ଜଗତସିଂହପୁର: ଜଗତସିଂହପୁର ସଦର ଥାନା ଅନ୍ତର୍ଗତ ବଡ଼ବାଗ ଗାଁ ରେ ବାଣ ଭିଡା ବେଳେ ଘଟିଲା ଅଘଟଣ। ବଡ଼ବାଗ ଗ୍ରାମର ସୁଶିଲ ଦାସ ଙ୍କ ଦୁଇ ପୁଅ ଓ ଦୁଇ ବୋହୂ ବାଣ ଭିଡୁଥିବା ସମୟରେ ଫୁଟିଲା ବାଣ। ଯାହାଫଳରେ ଘରର ଛାତ ଉଡ଼ିଯିବା ସହ ଦୁଇ ଜଣଙ୍କର ମୃତ୍ୟୁ ହେବା ସହ ୨ଜଣ ଗୁରୁତର ଆହତ ହୋଇଥିଲେ। ତେଣୁ ତୁରନ୍ତ ଦୁଇ ଜଣ ଗୁରୁତର ଆହତଙ୍କୁ ନେଇ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିଲା। ଖବରପାଇ ସଦର ଥାନା ପୋଲିସ , ଅଗ୍ନିଶମ ବିଭାଗ, ଓଡ୍ରାଫ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ପାଇଁ ପହଂଚିଥିଲେ । ତେବେ ଜନ ଗହଳି ପୂର୍ଣ୍ଣ ସ୍ଥାନରେ କିଭଳି ଭାବରେ ଏତେ ବଡ଼ ବାଣ ଭିଡା ଯାଉଥିଲା ତାକୁ ନେଇ ସନ୍ଦେହ ବଢୁଛି। ସଂପୃକ୍ତ ପରିବାର ଙ୍କ ପାଖରେ ସରକାରୀ ଲାଇସେନସ ଥିଲା କିମ୍ବା ନାହିଁ ତାକୁ ନେଇ ତଦନ୍ତ  କରୁଛି ପୋଲିସ।