ରାବଣ ପୋଡ଼ି ଦେଖିବା ହେଲା କାଳ । ବିଦ୍ୟୁତ ସଂସ୍ପର୍ଶରେ ଆସି ଚାଲିଗଲା ଯୁବକଙ୍କ ଜୀବନ । ରାବଣ ପୋଡି ଉତ୍ସବ ଦେଖିବା ସମୟରେ ଅଘଟଣ ଘଟିଛି । ଦଶହରା ଉତ୍ସବକୁ ସମସ୍ତେ ଆନନ୍ଦର ସହ ପାଳନ କରୁଥିଲେ । ସେହିପରି ଯୁବକ ଘରୁ ଖୁସିର ସହ ଦଶହରା ବୁଲିବାକୁ ଯାଇଥିଲେ କିନ୍ତୁ ଆଉ ଫେରିଲେନି ।  ଏଭଳି ଅଭାବନୀୟ ଘଟଣାରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଥିଲା ।    

ଗତକାଲି ଢେଙ୍କାନାଳ ଜିଲ୍ଲାରେ ମିନି ଷ୍ଟାଡିୟମ ପଡ଼ିଆରେ ଚାଲିଥିଲା ରାବଣ ପୋଡି ଉତ୍ସବ । ଯୁବକ ଜଣକ ରାବଣ ପୋଡ଼ି ଦେଖୁଥିଲେ। ସେହି ସମୟରେ ବିଦ୍ୟୁତ କରେଣ୍ଟ ଲାଗିବାରୁ ଯୁବକଙ୍କ ମୃତ୍ୟୁ ଘଟିଛି । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ଅଧିକ ପଢନ୍ତୁ :ପୋଖରୀରେ ବୁଡି ମା ଓ ଝିଅ ମୃତ