ବାରିପଦା : ଦଶମ ରାଜ୍ୟସ୍ତରୀୟ ଚିତ୍ରକଳା ପ୍ରଦର୍ଶନୀ ବାରିପଦାର କ୍ରିଏଟିଭ ସ୍କୁଲ ଅଫ ଆର୍ଟ ଏଣ୍ଡ କ୍ରାଫ୍ଟସ ଆନୁକୂଲ୍ୟରେ ସ୍ଥାନୀୟ ଶ୍ରୀରାମଚନ୍ଦ୍ର ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବାରିପଦା ନଗରପାଳ କୃଷ୍ଣାନନ୍ଦ ମହାନ୍ତିଙ୍କ ଦ୍ବାରା ଉଦ୍ଘାଟିତ ହୋଇଯାଇଛି। ଏହି କାର୍ଯ୍ୟକ୍ରମରେ ଅନୁଷ୍ଠାନର ଅଧ୍ଯକ୍ଷ ରବୀନ କୁମାର ମହାପାତ୍ର, ସମ୍ପାଦକ ବିଭୁଦତ୍ତ ଦାସ ଉପ ସଭାପତି ସୌର ବିହାରୀ ଦାସ ପ୍ରମୁଖ  ଉପସ୍ଥିତ ଥିଲେ। ଏହି ଚିତ୍ରକଳା ପ୍ରଦର୍ଶନୀରେ ସର୍ବମୋଟ ସ୍ଥାନିତ ହୋଇଥିବା ୨୫୫ଟି ଚିତ୍ର ମଧ୍ୟରୁ ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା ବଛା ବଛା କଳାକାର ୭୦ଟି, ସ୍କୁଲ ପରିଚାଳନା ସଦସ୍ୟଙ୍କର ୨୫ଟି ଏବଂ ଛୋଟ ଛୋଟ ପିଲାମାନଙ୍କର ୧୬୦ଟି ଚିତ୍ର ରହିଛି। ଏହି ଚିତ୍ରକଳା ପ୍ରଦର୍ଶନୀ ୪  ଦିନ ଧରି ଅନୁଷ୍ଠିତ ହେବା ସହିତ ଆଗାମୀ ୩୦ ତାରିଖ ସନ୍ଧ୍ୟାରେ ଉଦ୍‌ୟାପନୀ ଉତ୍ସବ ସ୍ଥାନୀୟ ସହିଦ ସ୍ମୃତି ଭବନଠାରେ ଅନୁଷ୍ଠିତ ହେବ ବୋଲି ମୁଖ୍ୟ ଉପଦେଷ୍ଟା ଚାରୁ ଚନ୍ଦ୍ର ଦାସ କହିଛନ୍ତି।