ଯାଜପୁର: ପର୍ଯ୍ୟଟକ ବସ୍ ଧକ୍କାରେ ଯୁବକ ମୃତ । ଯାଜପୁର ଟାଉନ ଥାନା ଗାନ୍ଧୀ ଛକ ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ବାଇକରେ ଯାଉଥିବା ଜଣେ ଯୁବକଙ୍କୁ ଧକ୍କା ଦେଇଛି ପର୍ଯ୍ୟଟକ ବସ୍ । ଫଳରେ ଘଟଣା ସ୍ଥଳରେ ହିଁ ଯୁବକଙ୍କର ପ୍ରାଣ ବାୟୁ ଉଡ଼ିଯାଇଥିଲା । ତାଙ୍କ ସହିତ ଥିବା ଅନ୍ୟ ଜଣେ ଯୁବକଙ୍କର ସ୍ୱାସ୍ଥ୍ୟାବସ୍ଥା ଗୁରୁତର ହୋଇଛି । ତାଙ୍କୁ ଗୁରୁତର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୃତ ଯୁବକ ଜଣକ ହେଲେ କଟକ ବାଲିକୁଦା ଅଞ୍ଚଳର ଅଭିଷେକ ରାଉତ(୨୪ ) ଏବଂ ଆହତ ଯୁବକ ନିହାର ରଞ୍ଜନ ସାମଲ ବୋଲି ଜଣାପଡ଼ିଛି । 

ସ୍ଥାନୀୟ ଲୋକଙ୍କଠାରୁ ଖବର ପାଇ ଟାଉନ ଥାନା ପୋଲିସ ଘଟଣା ସ୍ଥଳରେ ପହଁଚିଛି । ତେବେ ଦୁର୍ଘଟଣା ଘଟାଇବା ପରେ ଉକ୍ତ ବସଟି ଫେରାର ହୋଇଯାଇଥିବା ଜଣାପଡ଼ିଛି । ପୋଲିସ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଥିବାବେଳେ ତଦନ୍ତ ଆରମ୍ଭ କରିଛି ।