ମୁମ୍ବାଇ: ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ ଭାରତୀୟ ୧୯ ବର୍ଷରୁ କମ୍ ବିଶ୍ୱକପ୍ ବିଜେତା ଟିମ୍ ପାଇଁ ପୁରସ୍କାର ରାଶି ଘୋଷଣା କରିଛି । ଶନିବାର ବିସିସିଆଇ ସଚିବ ଦେବଜିତ ସାଇକିଆ ବିଜେତା ଟିମ୍ ପାଇଁ ୭.୫ କୋଟି ଟଙ୍କା ପୁରସ୍କାର ଘୋଷଣା କରିଛନ୍ତି । 

ବିସିସିଆଇ ସଚିବ ୧୯ ବର୍ଷରୁ କମ୍ ଦଳ ଉପରେ ଗର୍ବ କରିଛନ୍ତି । ସେ କହିଛନ୍ତି, "୨୦୨୬ ବର୍ଷରୁ କମ୍ ବିଶ୍ୱକପ୍ ବିଜୟ ପାଇଁ ସମଗ୍ର ଦେଶ ଏବଂ ବିସିସିଆଇ ଆମ ୧୯ ବର୍ଷରୁ କମ୍ ଦଳ ଉପରେ ଗର୍ବିତ । ଯେଉଁଭଳି ଭାବରେ ଭାରତୀୟ ଟିମ୍ ଫାଇନାଲରେ ଇଂଲଣ୍ଡକୁ ଯେପରି ପରାସ୍ତ କରିଥିଲା ଏବଂ ଟୁର୍ଣ୍ଣାମେଣ୍ଟରେ ସେମାନେ ଯେପରି ଅପରାଜିତ ରହିଥିଲେ, ଆମେ ସମସ୍ତେ ଗର୍ବିତ । ବିସିସିଆଇ ଦଳକୁ ୭.୫ କୋଟି ଟଙ୍କାର ନଗଦ ପୁରସ୍କାର ପ୍ରଦାନ କରିବ।"

୧୯ ବର୍ଷରୁ କମ୍ ଭାରତୀୟ ଦଳ ଫାଇନାଲରେ ଇଂଲଣ୍ଡକୁ ୧୦୦ ରନରେ ପରାସ୍ତ କରି ଆଇସିସି ଅଣ୍ଡର-୧୯ ବିଶ୍ୱକପ୍ ୨୦୨୬ରେ ବୃହତ ବିଜୟ ହାସଲ କରିଥିଲା । ଜିମ୍ବାୱେର ହରାରେରେ ସେମାନଙ୍କର ଷଷ୍ଠ ଟାଇଟଲ ହାସଲ କରିଥିଲା। ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ଭାରତ ଏକ ପ୍ରଭାବଶାଳୀ ୪୧୧/୯ ସ୍କୋର କରିଥିଲା । ଉଦୀୟମାନ ଖେଳାଳୀ ବୈଭବ ସୂର‌୍ୟ୍ୟବଂଶୀ ମାତ୍ର ୮୦ ବଲ୍ ରେ ୧୫ ଚୌକା ଏବଂ ୧୫ ଛକା ମାରି ୧୭୫ ରନ କରିଥିଲେ । ଅଧିନାୟକ ଆୟୁଷ ମହାତ୍ରେ ୫୧ ବଲ୍ ରୁ ୫୩ ରନ୍ ଯୋଡ଼ିଥିବାବେଳେ  ଅଭିଜ୍ଞାନ କୁଣ୍ଡୁ ୩୧ ବଲ୍ ରୁ ୪୦ ରନ୍ ର ଦ୍ରୁତ ସ୍କୋର୍ କରିଥିଲେ । ଇଂଲଣ୍ଡର କାଲେବ ଫାଲକନର୍ ୧୧୫ ରନ୍ ସହିତ ସାହସିକତାର ସହିତ ଲଢ଼ିଥିଲେ, କିନ୍ତୁ ଭ୍ରମଣକାରୀ ଦଳ ୪୧୨ ରନ୍ ର ବିଶାଳ ଲକ୍ଷ୍ୟ ହାସଲ କରିପାରି ନଥିଲେ।