ଭାରତର ଅଭିଜ୍ଞ ସ୍ପିନର ଅମିତ ମିଶ୍ରା ଭାରତୀୟ ଦଳର ଅଧିନାୟକ ରୋହିତ ଶର୍ମା ଏବଂ ବିରାଟ କୋହଲିଙ୍କ ବ୍ୟବହାରକୁ ନେଇ କିଛି ଏଭଳି ମନ୍ତବ୍ୟ ଦେଇଛନ୍ତି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଅମିତ ମିଶ୍ର ବିରାଟଙ୍କୁ ରୋହିତ ଶର୍ମାଙ୍କ ସହ ତୁଳନା କରି କହିଛନ୍ତି ଯେ କୋହଲି ପୂର୍ବ ପରି ନାହାନ୍ତି, ତାଙ୍କ ଭିତରେ ଅନେକ ପରିବର୍ତ୍ତନ ଆସିଛି। ରୋହିତ ଶର୍ମା ଏବଂ ବିରାଟ କୋହଲିଙ୍କୁ ନେଇ ଏଭଳି ମନ୍ତବ୍ୟର ଭିଡିଓ ଏବେ ଖୁବ ଭାଇରାଲ ହେଉଛି । ୟୁଟ୍ୟୁବର୍ ଶୁଭଙ୍କର ମିଶ୍ରାଙ୍କ ଶୋ’ରେ ଅମିତ ମିଶ୍ରା ଏଭଳି କିଛି କଥା କହିଛନ୍ତି ଯାହା ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି ।
କୋହଲିଙ୍କ ପ୍ରତିନିଧିତ୍ଵରେ ୯ ଟି ଟେଷ୍ଟ ଖେଳିଥିବା ଅମିତ ମିଶ୍ରା ଦାବି କରିଛନ୍ତି ଯେ ସମୟ ସହିତ ତାଙ୍କ ଏବଂ ବିରାଟଙ୍କ ବନ୍ଧନ ଦୁର୍ବଳ ହୋଇଛି। ସେ ଏହା ମଧ୍ୟ କହିଛନ୍ତି ଯେ କୋହଲି ତାଙ୍କ କ୍ୟାରିୟରରେ ପରିଶ୍ରମ କରି ଖ୍ୟାତି ଓ ଅର୍ଥ ହାସଲ କରିଛନ୍ତି ଏବଂ ଏହାସହ ତାଙ୍କ ସ୍ୱଭାବରେ ଅନେକ ପରିବର୍ତ୍ତନ ଆସିଛି।
ଭାରତ ଟି-୨୦ ବିଶ୍ୱକପ ୨୦୧୪ ଟାଇଟଲ ଜିତିବା ପରେ ବିରାଟ କୋହଲି ଏହି ଫର୍ମାଟରୁ ଅବସର ଘୋଷଣା କରିଥିଲେ। ତାଙ୍କ ସହ ଭାରତୀୟ ଅଧିନାୟକ ରୋହିତ ଶର୍ମା ମଧ୍ୟ ଟି-୨୦ ଅନ୍ତର୍ଜାତୀୟ ଫର୍ମାଟରୁ ବିଦାୟ ନେଇଛନ୍ତି। ଏହାରି ଭିତରେ ୟୁଟ୍ୟୁବର୍ ଶୁଭଙ୍କର ମିଶ୍ରାଙ୍କ ଶୋ ରେ ଅମିତ ମିଶ୍ରା ବିରାଟ ଓ ରୋହିତଙ୍କୁ ନେଇ ମନ୍ତବ୍ୟ ରଖିଥିଲେ । ଅମିତ କହିଥିଲେ " ମୁଁ ବିରାଟଙ୍କ ଭିତରେ ଅନେକ ପରିବର୍ତ୍ତନ ଦେଖିଛି । ସେ ଆହୁରି ମଧ୍ୟ କହିଛନ୍ତି ମୁଁ ବିରାଟଙ୍କ ସହ ଦୀର୍ଘ ଦିନ ହେବ କଥା ହୋଇନାହିଁ । ଏହାସହ ଯେତେବେଳେ କୌଣସି ଖେଳାଳିଙ୍କୁ ଖ୍ୟାତି ଓ ଶକ୍ତି ମିଳେ ତେବେ ସେମାନେ ଭବାନୀ ଲୋକମାନେ କିଛି ଉଦ୍ଦେଶ୍ୟରେ ସେମାନଙ୍କ ସହ କଥା ହେବାକୁ ଚାହୁଁଛନ୍ତି । କିନ୍ତୁ ବିରାଟ ଓ ରୋହିତଙ୍କ ମଧ୍ୟରେ ଅନେକ ପାର୍ଥକ୍ୟ ରହିଛି । ରୋହିତ ଆରମ୍ଭରୁ ଯେମିତି ଥିଲେ ଏବେ ମଧ୍ୟ ସେମିତି ଅଛନ୍ତି । ଯେତେବେଳେ ରୋହିତ ମୋ ସହ ଦେଖା ହୁଅନ୍ତି ପୂର୍ବ ଭଳି ସମ୍ମାନ କରନ୍ତି ଏବଂ କଥା ମଧ୍ୟ ହୁଅନ୍ତି ।"