କ୍ରିକେଟ ମ୍ୟାଚର ସିଧାପ୍ରସାରଣ ପାଇଁ ଭାରତୀୟ କଂପାନୀ ସହିତ ସଂପର୍କ ରଖିବାକୁ ଚାହୁଁନି ପାକିସ୍ତାନ
Khabar Odisha:Sports-Pakistan-says-no-trade-with-India-rejects-proposal-of-Indian-company-for-the-broadcast-of-matches

ଇସଲାମାବାଦ, ଜୁନ ୦୯ (ଖବର ଓଡ଼ିଶା): ପାକିସ୍ତାନ କ୍ୟାବିନେଟ ବର୍ତ୍ତମାନର ରାଜନୈତିକ ପରିଦୃଶ୍ୟକୁ ଦେଖି ପାକିସ୍ତାନ ଓ ଇଂଲଣ୍ଡ ମଧ୍ୟରେ ହେବାକୁ ଥିବା ଆଗାମୀ କ୍ରିକେଟ ସିରିଜର ସିଧା ପ୍ରସାରଣ ଲାଗି ଭାରତୀୟ କଂପାନୀ ସହିତ ହୋଇଥିବା ଚୁକ୍ତିକୁ ଶକ୍ତ ଆଘାତ ଦେଇଛି । ପାକିସ୍ତାନ କ୍ରିକେଟ ମ୍ୟାଚର ସିଧା ପ୍ରସାରଣ ଲାଗି ଭାରତୀୟ କଂପାନୀ ସହିତ ବ୍ୟବସାୟିକ ସଂପର୍କ ରଖିବାକୁ ଚାହୁଁନାହିଁ । 

ସୂଚନା ଓ ପ୍ରସାରଣ ମନ୍ତ୍ରୀ ଫୱାଦ ଚୌଧୁରୀ କ୍ୟାବିନେଟ ବୈଠକ ପରେ ଗଣମାଧ୍ୟମର ପ୍ରତିନିଧିଙ୍କ ସହିତ କଥାବାର୍ତ୍ତା ବେଳେ କହିଛନ୍ତି ଯେ, ପାକିସ୍ତାନ ଟେଲିଭିଜନ ସରକାର ମ୍ୟାଚର ପ୍ରସାରଣ ଲାଗି ଷ୍ଟାର ଏବଂ ସୋନୀ ସହିତ ବୁଝାମଣ ନେଇ ହସ୍ତାକ୍ଷର ପାଇଁ ଆଗ୍ରହ ପ୍ରକାଶ କରିଥିଲା । ଫୱାଦ କହିଛନ୍ତି, କ୍ୟାବିନେଟ ଇଂଲଣ୍ଡ-ପାକିସ୍ତାନ କ୍ରିକେଟ ସିରିଜର ପ୍ରସାରଣ ଲାଗି ଷ୍ଟାର ଓ ସୋନୀ ସହିତ ହୋଇଥିବା ବୁଝାମଣାକୁ ପାକିସ୍ତାନ ଟିଭି ମନା କରିଦେଇଛି । 

ଫୱାଦ କହିଛନ୍ତି ଯେ, ଇମରାନ ସରକାର ପୂର୍ବରୁ ହିଁ ସ୍ପଷ୍ଟ କରି ଦେଇଛନ୍ତି ଯେ, ଭାରତ ସହିତ ସଂପର୍କ ୨୦୧୯ ଅଗଷ୍ଟ ୫ ତାରିଖର କାର୍ଯ୍ୟାନୁଷ୍ଠାନକୁ ବଦଳିବା ଉପରେ ନିର୍ଭର କରୁଛି । ସେ ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ ପ୍ରସଙ୍ଗରେ କହିଥିଲେ । ସେ କହିଥିଲେ ଯେ, ଯେତେଦିନ ପର୍ଯ୍ୟନ୍ତ ଧାରା ୩୭୦କୁ ଫେରାଇ ନ ନିଆଯାଉଛି, ଭାରତ ସହିତ ପାକିସ୍ତାନର ସଂପର୍କ ସ୍ୱାଭାବିକ ହେବ ନାହିଁ । 

 

  • Tags:

Subscribe

National International State Sports Entertainment