କ୍ରିକେଟର ସୁରେଶ ରାଇନାଙ୍କ ସମ୍ପର୍କୀୟଙ୍କୁ ଆକ୍ରମଣ, ଦୁଇଜଣଙ୍କ ମୃତ୍ୟୁ, ଅଭିଯୁକ୍ତକୁ ଗିରଫ ପାଇଁ ଦାବି
Khabar Odisha:My-uncle-was-slaughtered-to-death-my-bua-is-on-life-support-Suresh-Raina-urges-Punjab-CM-for-help
ନୂଆଦିଲ୍ଲୀ, ସେପ୍ଟେମ୍ୱର ୧ (ଖବର ଓଡ଼ିଶା):

ଭାରତୀୟ ଦଳର କ୍ରିକେଟର ସୁରେଶ ରାଇନାଙ୍କ ସମ୍ପର୍କୀୟଙ୍କୁ କିଛି ଦୁର୍ବୃତ୍ତଙ୍କ ଆକ୍ରମଣ କରିବାରୁ ପରିବାରର ଦୁଇଜଣଙ୍କ ମୃତ୍ୟୁ ଓ ଜଣେ ଗୁରୁତର ଆହତ ହୋଇଥିବାରୁ ଅଭିଯୁକ୍ତକୁ ଗିରଫ ପାଇଁ ସେ ଦାବି କରିଛନ୍ତି 

ମଙ୍ଗଳବାର ଦିନ ରାଇନା ଟ୍ୱିଟ୍‌ କରି ପଞ୍ଜାବ ମୁଖ୍ୟମନ୍ତ୍ରୀ ଓ ପଞ୍ଜାବ ପୋଲିସଙ୍କୁ ସହାୟତା ମାଗିଛନ୍ତି । ସେ ଟ୍ୱିଟ୍‌ କରି ଲେଖିଛନ୍ତି ଯେ, ପଞ୍ଜାବରେ ମୋର ପରିବାର ସହିତ ଯାହା ହେଲା, ତାହା ଅତ୍ୟନ୍ତ ଭୟାନକ । ମୋ ସଂପର୍କୀୟଙ୍କ ମୃତ୍ୟୁ ହୋଇଯାଇଛି । ମୋ ପିଉସୀ ଓ ସମ୍ପର୍କୀୟ ଭାଇ ଗୁରୁତର ଅବସ୍ଥାରେ ଅଛନ୍ତି । ବର୍ତ୍ତମାନ ସେ ଜୀବନ ଓ ମୃତ୍ୟୁ ସହିତ ସଂଗ୍ରାମ କରୁଥିଲେ । କିନ୍ତୁ ବିଳମ୍ବିତ ରାତିରେ ମୋ ଭାଇଙ୍କର ମୃତ୍ୟୁ ହୋଇଯାଇଛି । ପୀଉସୀ ଏବେ ବି ଗୁରୁତର ରହିଛନ୍ତି ।

ସେହିପରି ରାଇନା ଆଉ ଏକ ଟ୍ୱିଟ୍‌ରେ ଲେଖିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ଆମେ ଜାଣିପାରିଲୁନାହିଁ, ଯେ ସେଦିନ ରାତିରେ କଣ ଘଟିଥିଲା । ପଞ୍ଜାବ ପୋଲିସକୁ ମୁଁ ଅନୁରୋଧ କରୁଛି କି ଏହି ମାମଲାର ଦୃଢତାର ସହିତ ଛାନ୍‌ଭିନ୍‌ କରନ୍ତୁ । କିଏ ଏଭଳି ଘଟଣା ଘଟଣାଇଛି , ତାହା ଆମେ ଜାଣିବା ନିହାତି ଦରକାର । ଅପରାଧୀମାନଙ୍କୁ ଅଧିକ ଅପରାଧ କରିବା ପାଇଁ ଛାଡିବା ଉଚିତ୍‌ ନୁହେଁ । ଅପରାଧୀଙ୍କ ବିରୋଧରେ ପଞ୍ଜାବ ସରକାରଙ୍କୁ ତୁରନ୍ତ କାର୍ଯ୍ୟାନୁଷ୍ଠାନ ନେବା ସହ ସେମାନଙ୍କୁ ଗିରଫ କରିବା ଉଚିତ୍‌ ।

କିଛି ଦିନ ତଳେ ପଠାନକୋଟରେ ମାଧାପୁର ଅଞ୍ଚଳର ଶାରିୟସ ଗାଁରେ ଅଜଣା ଦୁର୍ବୃତ୍ତମାନେ ସୁରେଶ ରାଇନାଙ୍କ ପିଉସୀଙ୍କ ଘର ଉପରକୁ ଆକ୍ରମଣ କରିଥିଲେ । ଆକ୍ରମଣରେ ସୁରେଶ ରାଇନାଙ୍କ ପିଉସାଙ୍କ ମୃତ୍ୟୁ ହୋଇଥିବାବେଳେ ପରିବାରର ଅନ୍ୟ ସଦସ୍ୟଙ୍କ ଅବସ୍ଥା ଗୁରୁତର ରହିଥିଲା । ସେମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ନିକଟରେ ରାଇନା ୟୁଏଇରେ ବ୍ୟକ୍ତିଗତ କାରଣ ଦର୍ଶାଇ ଆଇପିଏଲ ନ ଖେଳି ଭାରତ ପ୍ରତ୍ୟାବର୍ତ୍ତନ କରିଥିଲେ  । ଏହି ଆକ୍ରମଣ ଘଟଣା ପାଇଁ ସେ ଖେଳରୁ ଓହରି ଆସିଥିବା ନେଇ ଚର୍ଚ୍ଚା ଜୋର ଧରିଥିଲା  ।   

  • Tags:

Subscribe

National International State Sports Entertainment