ବର୍ଡର- ଗାଭାସ୍କର ଟ୍ରଫି ; ତୃତୀୟ ଟେଷ୍ଟକୁ ଡ୍ର କଲେ ଭାରତୀୟ ବ୍ୟାଟସମାନ
Khabar Odisha:Border---Gavaskar-Trophy--Indian-batsmen-draw-third-Test
ସିଡନୀ, ଜାନୁଆରୀ ୧୧ (ଖବର ଓଡ଼ିଶା):

ସିଡନୀ କ୍ରିକେଟ ଗ୍ରାଉଣ୍ଡରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ତୃତୀୟ ଟେଷ୍ଟ ଡ୍ର ଭାବେ ଶେଷ ହୋଇଛି । ଏହି ମ୍ୟାଚ ବିଜୟ ପାଇଁ ଅଷ୍ଟ୍ରେଲିଆ ଭାରତକୁ ୪୦୭ ରନର ଟାର୍ଗେଟ ଦେଇଥିଲା । ମାତ୍ର ଭାରତୀୟ ଦଳ ଦ୍ୱିତୀୟ ଇଂନିସରେ ଚତ୍ମକାର ଖେଳ ପ୍ରର୍ଦଶନ କରି ୧୩୧ ଓଭରରେ ୫ ୱିକେଟ ହରାଇ ୩୩୪ ରନ କରିବା ସହ ମ୍ୟାଚକୁ ଡ୍ର ଭାବେ ଶେଷ କରିଛନ୍ତି । ଦଳ ତରଫରୁ ରିଷଭ ପନ୍ଥ ସର୍ବାଧିକ ୯୭ ରନର ଇଂନିସ ଖେଳିଥିବା ବେଳେ ଚେତେଶ୍ୱର ପୂଜାରା ୭୭ ରନର ଇଂନିସ ଖେଳିଛନ୍ତି । ହନୁମାନ ବିହାରୀ ଏବଂ ଅଶ୍ୱିନ ଷଷ୍ଠ ୱିକେଟ ପାଇଁ ଅପରାଜିତ ୫୮ ରନ ଯୋଡି ଏହି ମ୍ୟାଚକୁ ଡ୍ର କରିବାରେ ମୁଖ୍ୟ ଭୂମିକା ନେଇଛନ୍ତି । ଅଷ୍ଟ୍ରେଲିଆ ପକ୍ଷରୁ ହାଜେଲଉଡ ଏବଂ ଲିଅନ ଦୁଇଟି ଲେଖାଁଏ ୱିକେଟ ଅକ୍ତିଆର କରିଛନ୍ତି । ଏହି ସିରିଜ ୧-୧ ରେ ବରାବର ରହିଛି । ସିରିଜର ଶେଷ ମ୍ୟାଚ ଜାନୁଆରୀ ୧୫ ତାରିଖରେ ବ୍ରିସବେନରେ ଅନୁଷ୍ଠିତ ହେବ ।

  • Tags:

Subscribe

National International State Sports Entertainment