ରୋଗିଣା ବାପାକୁ ସାଇକେଲରେ ବସାଇ 13 ବର୍ଷର ଝିଅ ଅତିକ୍ରମ କଲା 1100 କିଲୋମିଟର ରାସ୍ତା, ସାହାସକୁ ସଲାମ କରୁଛି ଦେଶ
Khabar Odisha:The-13-year-old-daughter-crossed-the-1100-kilometer-road-by-riding-her-sick-father-on-a-bicycle
ବିହାର, ମେ ୨୦ (ଖବର ଓଡ଼ିଶା):

ସମଗ୍ର ବିଶ୍ୱ ବର୍ତ୍ତମାନ କରୋନା ସଙ୍କଟର ସମ୍ମୁଖୀନ ହେଉଛି | ଅନେକ ଦେଶରେ ବର୍ତ୍ତମାନ କରୋନା ମୁକାବିଲା କରିବା ନେଇ ଲକଡାଉନ ଜାରି ରହିଛି | ପ୍ରତ୍ୟେକ ଦିନ, ଦୁଃଖ, ଯନ୍ତ୍ରଣା, ଅସହାୟତା, ସାହସିକତା, ସାହସ, ଅସହାୟତା ଏବଂ ଉଚ୍ଚ ଉଦ୍ଦେଶ୍ୟର ଅନେକ କାହାଣୀ ଆପଣ ଟିଭିରେ ଦେଖୁଥିବେ କମ୍ୱା ଖବର କାଗଜରେ ନିଶ୍ଚୟ ପଢୁଥିବେ | ସେହିଭଳି ଏକ କାହାଣୀ ଅଛି ଜ୍ୟୋତିଙ୍କର | ଯାହା ସାମ୍ନାରେ ପାହାଡ ଭଳି ଲାଗୁଥିବା ଦୂରତା ନିଜ ଦୃଢ ମନୋବଳ ପାଇଁ ଅଦୃଶ୍ୟ ହୋଇଗଲା |

ସେହିକାରଣରୁ ବର୍ତ୍ତମାନ 13 ବର୍ଷର ଜ୍ୟୋତି ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି | ସାରା ଦେଶରେ ଲୋକମାନେ ଆଜି ତାଙ୍କୁ ପ୍ରଶଂସା କରୁଛନ୍ତି । ତେବେ ପ୍ରଶଂସା ନ କରିବେ ବା କିପରି ଆଜି ଜ୍ୟୋତି ଯେଉଁ କାମ କରିଛନ୍ତି ତାହା କରିବା ସମସ୍ତଙ୍କ ପାଇଁ ସମ୍ଭବ ନୂହଁ । କରୋନା ମହାମାରୀ ପାଇଁ ଜାରି ହୋଇଥିବା ଲକଡାଉନ୍ ହେତୁ ଅନେକ ଲୋକ ସେମାନଙ୍କର ଘରକୁ ଫେରିବା ପାଇଁ ଦୂର ଦୂରାନ୍ତର ରାସ୍ତା ବିଭିନ୍ନ ବାଧାବିଘ୍ନ ସହ ଅତିକ୍ରମ କରୁଛନ୍ତି । ଏହିପରି ଏକ ସଂଗ୍ରାମର କାହାଣୀ ହେଉଛି ଜ୍ୟୋତି, ଯିଏ ଦରଭଙ୍ଗା ଜିଲ୍ଲାର ସିରହୁଲିଆ ଗାଁର ଜଣେ 13 ବର୍ଷୀୟ ନାବାଳିକା ଝିଅ |

ଜ୍ୟୋତି ତାଙ୍କ ଯନ୍ତ୍ରଣା ବିଷୟରେ କହିଥିଲେ ଯେ ଆମ ପାଖରେ ଖାଇବା ପିଇବା ପାଇଁ ଆଉ କିଛି ଟଙ୍କା ବାକି ନଥିଲା | ଅମେ ରହୁଥିବା ଘର ମାଲିକ ମଧ୍ୟ ଭଡା ପ୍ରଦାନ ନକରିବାରୁ ଆମକୁ ତିନିଥର ଘରୁ ବାହାର ଯିବାନେଇ ଧମକ ଦେଇଥିଲେ । ତେବେ ଏଭଳି ପରିସ୍ଥିତିରେ ଗୁରୁଗ୍ରାମରେ ମରିବା ଅପେକ୍ଷା ଆମେ ରାସ୍ତାରେ ମରିଯିବା ହିଁ ଠିକ ହେବ ବୋଲି ମନେ ମନେ ଚିନ୍ତା କରିଥିଲେ ଜ୍ୟୋତି। ରାସ୍ତାରେ ମରିବା ଅପେକ୍ଷା ଗୁରୁଗ୍ରାମରେ ମରିବା ଭଲ ଥିଲା । ଏଭଳି ଚିନ୍ତା କରି ଅସୁସ୍ଥ ଥିବା ବାପାଙ୍କୁ ଜ୍ୟୋତି ସାଇକେଲରେ ନିଜ ଗାଁକୁ ଯିବା ନେଇ କହିଥିଲା। ମୁଁ ତୁମକୁ ନେଇକି ଯିବି ହେଲେ ଛୋଟ ପିଲାଟିର କଥାରେ ତା ବାପା ରାଜି ହେଲେନି ହେଲେ ଜ୍ୟୋତି ଯିଦି ଧରିଥିଲା ଯେମିତି ବି ହେଲେ ଆମେ ଏଠାରୁ ଯିବା ଶେଷରେ ତାଙ୍କ ବାପାଙ୍କୁ ଅନେକବାର ବୁଝାଇବା ପରେ ତାଙ୍କ ବାପା ଯିବା ନେଇ ରାଜି ହୋଇଯାଇଥିଲେ।  

ଜ୍ୟୋତି ତାଙ୍କ ପିତା ମୋହନ ପାସୱାନଙ୍କୁ ସାଇକେଲରେ ନେଇ ହରିୟାଣାର ଗୁରୁଗ୍ରାମରୁ ତାଙ୍କ ଘର ଦରଭଙ୍ଗାକୁ ବାହାରିଥିଲେ । ଏହି ସମୟରେ, ରାସ୍ତାରେ ଅନେକ ସମସ୍ୟା ଦେଖାଦେଇଥିଲା, କିନ୍ତୁ ଜ୍ୟୋତି ସାହସ ନହରାଇ ପ୍ରତ୍ୟେକ ବାଧାବିଘ୍ନ ଅତିକ୍ରମ କରିଥିଲେ | ବେଳେବେଳେ ତାଙ୍କୁ କିଛି ଖାଦ୍ୟ ମଧ୍ୟ ମିଳିନଥିଲା ଖାଇବା ପାଇଁ | ପୁଣି ବେଳେବେଳେ ବାଟରେ, କିଛି ଲୋକ ସେମାନଙ୍କର ଦୁଃଖ କାହାଣୀ ଶୁଣି ସେମାନଙ୍କୁ ଖାଦ୍ୟ ଓ ପାଣି ଦେଇଥିଲେ | ଯେତେ ବାଧାବିଘ୍ନ ଆସିଥିଲେ ମଧ୍ୟ ଜ୍ୟୋତି କିନ୍ତୁ ହାର ମାନିନଥିଲେ।

ଜ୍ୟୋତି କହିଛନ୍ତି ଯେ ଏଭଳି ପରିସ୍ଥିତିରେ ସେ ସାଇକେଲରେ ଆସିବା ଛଡା ତାଙ୍କ ପାଖରେ ଆଉ କୌଣସି ବି ବିକଳ୍ପ ନଥିଲା । ତେବେ ବିହାରକୁ ଆସିବା ପାଇଁ ତାଙ୍କ ପିତା ଜଣେ ଟ୍ରକ ଡ୍ରାଇଭର ସହ କଥା ହୋଇଥିଲେ। ଉଭୟଙ୍କୁ ଘରେ ପହଞ୍ଚାଇବା ପାଇଁ ସେ ଅଧିକ ଟଙ୍କା ମାଗିଥିଲେ। ଜ୍ୟୋତି କହିଥିଲେ ଯେ ବାପାଙ୍କ ପାଖରେ ସେତେ ଟଙ୍କା ନଥିଲା। ତେଣୁ ସେ ସାଇକେଲ ଯୋଗେ ଘରକୁ ଆସିବାକୁ ସ୍ଥିର କଲେ। ବାପା ମଧ୍ୟ ପ୍ରଥମେ ପ୍ରଥମେ ରାଜି ହେଉନଥିଲେ ପରେ ମୋ ଜିଦ ଆହରେ ସେ ବି ମାନିଗଲେ | ସାଇକେଲ ଯୋଗେ ଗୁରୁଗ୍ରାମରୁ ଦରଭଙ୍ଗା ପର୍ଯ୍ୟନ୍ତ ଦୀର୍ଘ ଯାତ୍ରା ବହୁତ କଷ୍ଟସାଧ୍ୟ ଥିଲା | ଏହା ସତ୍ତ୍ୱେ ଆମର ଅନ୍ୟ କୌଣସି ବିକଳ୍ପ ନଥିଲା |

ଜ୍ୟୋତି କହିଛନ୍ତି ଯେ ସେ ପିତାଙ୍କୁ ସାଇକେଲରେ ବସି 10 ତାରିଖ ସନ୍ଧ୍ୟାରେ ଗୁରୁଗ୍ରାମରୁ ନିଜ ଯାତ୍ରା ଆରମ୍ଭ କରିଥିଲେ। ଏହି ସମୟରେ ତାଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡିଥିଲା। ଜ୍ୟୋତି କହିଛନ୍ତି ଯେ ଭଗବାନଙ୍କ କୃପା ଦ୍ୱାରା ଆମେ ଆମ ଘରେ ପହଞ୍ଚିଲୁ। ଗାଁରେ ପହଞ୍ଚିବା ପରେ ଲୋକମାନେ ଜ୍ୟୋତିଙ୍କ ଏଭଳି କାର୍ଯ୍ୟ ଶୁଣି ବହୁତ ପ୍ରଶଂସା କରିଥିଲେ । ଲୋକମାନେ ଉଭୟ ପିତା ଏବଂ ଝିଅଙ୍କୁ ଗାଁରେ କ୍ୱାରେଣ୍ଟାଇନ କେନ୍ଦ୍ର ହୋଇଥିବା ଲାଇବ୍ରେରୀରେ ରଖିଥିଲେ, ଯେଉଁଠାରେ ଉଭୟଙ୍କ ଡାକ୍ତରୀ ଯାଞ୍ଚ କରାଯିବ ସହ,  ଉଭୟଙ୍କୁ 14 ଦିନ କ୍ୱାରେଣ୍ଟାଇନରେ ରଖାଯାଇଛି |

  • Tags:

Subscribe

National International State Sports Entertainment