ନୂଆଦିଲ୍ଲୀ: ଗୁଗଲ ଆଣିଛି ଖୁସି ଖବର । ଆଣ୍ଡ୍ରଏଡ୍ ସ୍ମାର୍ଟଫୋନ୍ ପରେ, ଗୁଗୁଲ୍ ଏବେ ଆଣ୍ଡ୍ରଏଡ୍ ଟାବଲେଟ୍ ପାଇଁ ମଧ୍ୟ AI ମୋଡ୍ ଆଣିଛି । ଏହା ଗୁଗଲର ବିଟା ସଂସ୍କରଣରେ ଉପଲବ୍ଧ ଏବଂ ଏହା ଜେମିନି ୨.୫ ମଡେଲ ଉପରେ ଆଧାରିତ । ରିପୋର୍ଟ ଅନୁଯାୟୀ, ଏହି ଫିଚର୍ Google ଆପ୍‌ର ବିଟା ସଂସ୍କରଣ ୧୬.୩୦ରେ ଉପଲବ୍ଧ । ଏହାସହିତ ଏହି ଫିଚର୍ ଟାବଲେଟ୍ ବ୍ୟବହାରକାରୀମାନଙ୍କ ଫୋନରେ ପୂର୍ବରୁ ଉପଲବ୍ଧ ଥିବା Geminiରେ AI ସନ୍ଧାନ ଉପକରଣ ବ୍ୟବହାର କରିବାକୁ ସାହାର୍ଯ୍ୟ କରେ। ବଡ଼ ଡିସପ୍ଲେ ପାଇଁ ଆପ୍‌ର ଟାବଲେଟ୍ ସଂସ୍କରଣ କାର୍ଯ୍ୟକ୍ଷମତାରେ ପଛରେ ଥିଲା କିନ୍ତୁ ସର୍ବଶେଷ ବିଟା ଅପଡେଟ୍ ସହିତ, AI ମୋଡ୍ ବର୍ତ୍ତମାନ ହୋମ୍ ସ୍କ୍ରିନ୍ କିମ୍ବା ଡିସ୍କଭର୍ ଟ୍ୟାବ୍ ରୁ ସିଧାସଳଖ ଆକ୍ସେସ୍ କରାଯାଇପାରିବ। ଏହି କାରଣରୁ ଟାବଲେଟ୍‌ଗୁଡ଼ିକ AI କ୍ଷମତା ଦୃଷ୍ଟିରୁ Android ଫୋନ୍‌ର ନିକଟତର ହୋଇଛି।

ଟାବଲେଟ୍‌ରେ AI ମୋଡ୍ କିପରି କାମ କରେ?

Pixel ଟାବଲେଟ୍‌ରେ ପରୀକ୍ଷଣ କରିବା ପରେ, AI ମୋଡ୍ ସର୍ଟକଟ୍ ଏବେ ହୋମ୍ ଏବଂ ଡିସ୍କଭର୍ ଟ୍ୟାବ୍‌ର ଶୀର୍ଷରେ ଦେଖାଯାଉଛି ଏବଂ ଏହି ଫିଚରକୁ Pixel ଲଞ୍ଚର୍ ଏବଂ ହୋମ୍ ସ୍କ୍ରିନ୍ ମାଧ୍ୟମରେ ମଧ୍ୟ ସହଜରେ ଆକ୍ସେସ୍ କରାଯାଇପାରିବ। ଏହାକୁ Google ଆପ୍ ସେଟିଂସ୍ ମାଧ୍ୟମରେ ପରିଚାଳିତ କରାଯାଇପାରିବ। ସର୍ଟକଟ୍ ଉପରେ ଟ୍ୟାପ୍ କରିବା ଦ୍ୱାରା ଆପଣ ଫୋନ୍‌ରେ ପାଉଥିବା ସମାନ AI ପ୍ରମ୍ପ୍ଟ ବାର୍‌ ଖୋଲିଥାଏ, ଯେଉଁଥିରେ ଫୋଟ ଅପଲୋଡ୍ କରିବା ଏବଂ Google Lens ବ୍ୟବହାର କରିବା ପାଇଁ ବିକଳ୍ପଗୁଡ଼ିକ ଅନ୍ତର୍ଭୁକ୍ତ। 

Google AI ମୋଡ୍ କ’ଣ?

AI ମୋଡ୍ Google ର Gemini 2.5 multi AI ମଡେଲ୍ ଉପରେ ଆଧାରିତ ଏବଂ ସନ୍ଧାନକୁ ଅଧିକ ପ୍ରାକୃତିକ ଏବଂ ଇଣ୍ଟରାକ୍ଟିଭ୍ କରିବା ପାଇଁ ଡିଜାଇନ୍ କରାଯାଇଛି। ଉପଭୋକ୍ତାମାନେ Google Lens ବ୍ୟବହାର କରି ଫଟୋ ଅପଲୋଡ୍ କରିପାରିବେ କିମ୍ବା ଉଠାଇପାରିବେ ଏବଂ ତା’ପରେ ଫୋଟ ବିଷୟବସ୍ତୁ ଉପରେ ଆଧାରିତ ପ୍ରଶ୍ନ ପଚାରିପାରିବେ। ଏହି ସିଷ୍ଟମ୍ ଆପଣଙ୍କ ପ୍ରଶ୍ନର ଉତ୍ତର ଦେବା ପାଇଁ Google ର Knowledge Graph ରୁ ସୂଚନା କିମ୍ବା ଡାଟା ନେଇ ଉତ୍ତର ଦେଇଥାଏ ।