ନୂଆଦିଲ୍ଲୀ: ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ସନାତନ ଧର୍ମ ବିରୋଧୀ ବୋଲି ପ୍ରମାଣ କରିଦେଇଛନ୍ତି । ରାହୁଲ ରାୟବରେଲି ଆସି ମଧ୍ୟ ମହାକୁମ୍ଭ ଆସିଲେ ନାହିଁ । ମହାଶିବରାତ୍ରୀରେ ବୁଡ଼ ପକାଇଲେ ନାହିଁ । ତାଙ୍କଠାରୁ ସନାତନ ବିରୋଧୀ ଆଉ କିଏ ହୋଇପାରେ ବୋଲି ପ୍ରଶ୍ନ କରିଛନ୍ତି ସମାଜବାଦୀ ପାର୍ଟୀ ନେତା ଆଇପି ସିଂହ । 

ଶେଷ ହୋଇଛି ଶ୍ରଦ୍ଧା, ଆସ୍ଥା ଏବଂ ବିଶ୍ୱାସର ପର୍ବ ମହାକୁମ୍ଭ ମେଳା । ବିଶ୍ୱରୁ ଶ୍ରଦ୍ଧାଳୁଙ୍କୁ ଟାଣିଆଣିଲା ତ୍ରିବେଣୀ ସଙ୍ଗମ । କିନ୍ତୁ ଧର୍ମଠାରୁ ଦେଶରେ କେତେକ ନେତା ପ୍ରଥମେ ରାଜନୀତିକୁ ଉପରେ ରଖିଲେ । କିଛି ନେତାଙ୍କୁ ବାଦ୍ ଦେଲେ ବିଜେପିକୁ ଟାର୍ଗେଟ୍ କରି ଅନେକ ବିପକ୍ଷୀ ଦଳ ପବିତ୍ର ବୁଡ଼ ପକାଇଲେ ନ ଥିବା ଦେଖିବାକୁ ମିଳିଛି । ଆଉ ଏମାନଙ୍କ ମଧ୍ୟରେ ରହିଛି ଗାନ୍ଧୀ ପରିବାର । ଉଭୟ ସାଂସଦ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ମହାକୁମ୍ଭରେ ଦେଖିବାକୁ ମିଳିଲା ନାହିଁ । ଯେଉଁଥିପାଇଁ ତାଙ୍କୁ କଡ଼ା ସମାଲୋଚନା କରିଛନ୍ତି ସମାଜବାଦୀ ପାର୍ଟୀ ନେତା ଆଇପି ସିଂହ । 

ଏସପି ନେତା ଆଇପି ସିଂହ କହିଛନ୍ତି ଯେ ରାହୁଲ ଗାନ୍ଧୀ ନିଜକୁ ହିନ୍ଦୁ ବୋଲି କୁହନ୍ତି କିନ୍ତୁ ରାୟବରେଲି ଆସିବା ସତ୍ତ୍ୱେ ସେ କୁମ୍ଭରେ ସ୍ନାନ କରି ନଥିଲେ। ତାଙ୍କଠାରୁ ସନାତନର ବଡ଼ ବିରୋଧୀ କିଏ ହୋଇପାରେ? "ଆଜି ରାହୁଲ ଗାନ୍ଧୀ ଏବଂ ତାଙ୍କ ଭଉଣୀ ପ୍ରିୟଙ୍କା ଭଦ୍ରା ପ୍ରମାଣ କରିଛନ୍ତି ଯେ ସେମାନେ ସନାତନ ଧର୍ମ, ପରମ୍ପରା ଏବଂ ସଂସ୍କୃତିର ଘୋର ବିରୋଧୀ।" କୁମ୍ଭ ସ୍ନାନ ପ୍ରାଚୀନ କାଳରୁ ଚାଲିଆସୁଛି। ଏଥର ଏହି କାର୍ଯ୍ୟକ୍ରମ ବିଜେପି ଦ୍ୱାରା ଆୟୋଜିତ ହୋଇଥିବା ବେଳେ ୨୦୧୨-୧୩ ରେ ଏହା ସମାଜବାଦୀ ପାର୍ଟି ଦ୍ୱାରା ଆୟୋଜିତ ହୋଇଥିଲା। ସୋନିଆ ଗାନ୍ଧୀ ଜଣେ ଖ୍ରୀଷ୍ଟିଆନ ଏବଂ ପ୍ରିୟଙ୍କା ଭଦ୍ରା ଖ୍ରୀଷ୍ଟିଆନ ଧର୍ମରେ ବିବାହ କରିଛନ୍ତି । ଯଦି ସେ ସ୍ନାନ ନ କରି ତାଙ୍କ ଖ୍ରୀଷ୍ଟିଆନ ଧର୍ମ ପାଳନ କରନ୍ତି ତେବେ କୌଣସି ପ୍ରଶ୍ନ ଉଠାଯିବ ନାହିଁ କିନ୍ତୁ ରାହୁଲ ଗାନ୍ଧୀ ସମୟ ସମୟରେ ନିଜକୁ ହିନ୍ଦୁ ବୋଲି କୁହନ୍ତି । ଆଜି ମହାଶିବରାତ୍ରି ପର୍ବର ଶେଷ ସ୍ନାନ ଥିଲା । ସେ ରାୟବରେଲି ଆସିଥିଲେ କିନ୍ତୁ କୁମ୍ଭ ସ୍ନାନ କରିବାକୁ ଗଲେ ନାହିଁ । ଯଦି ସେ ଚାହିଁଥାନ୍ତେ, ତେବେ ସେ ରାୟବରେଲିରେ ଗଙ୍ଗା ନଦୀରେ ସ୍ନାନ କରିପାରିଥାନ୍ତେ, କିନ୍ତୁ ଆଜି ସେ ପ୍ରମାଣ କରିଛନ୍ତି ଯେ ସେ ହିନ୍ଦୁ ଧର୍ମକୁ ଘୃଣା କରନ୍ତି ।

ତେବେ ସମାଜବାଦୀ ପାର୍ଟୀ ନେତା ତଥା ସାଂସଦ ଅଖିଳେଶ ଯାଦବ ମଧ୍ୟ ମହାକୁମ୍ଭ ଯାଇ ତ୍ରିବେଣୀ ସଙ୍ଗମରେ ସ୍ନାନ କରିଥିଲେ । 

ପ୍ରକାଶ ଯୋଗ୍ୟ, ପୂର୍ବରୁ ମଧ୍ୟ ଆଇପି ସିଂହ ରାହୁଲଙ୍କ ବୟସକୁ ନେଇ କଟାକ୍ଷ କରିଥିଲେ । ଆଉ କହିଥିଲେ ବୟସ ୫୫ କିନ୍ତୁ ହୃଦୟ ବଚପନ୍ ।